11:38, 31 - تامىز 2023 | GMT +6
بيىل 382 مىڭ بالا ءبىرىنشى سىنىپقا باردى، ونىڭ قانشا پايىزى قازاقشا ءبىلىم الادى
استانا. قازاقپارات – 1-قىركۇيەكتە 382 مىڭعا جۋىق بالا العاش رەت مەكتەپ تابالدىرىعىن اتتايدى جانە ونىڭ 70 پايىزعا جۋىعى مەملەكەتتىك تىلدە وقۋعا نيەت ءبىلدىردى، دەپ حابارلايدى قازاقپارات.
ءبىرىنشى سىنىپقا باراتىن وقۋشىلاردىڭ ەڭ كوبى الماتى قالاسىندا، تۇركىستان جانە الماتى وبلىستارىندا تىركەلگەن.
بالالاردى قازاق تىلىندە وقىتاتىن سىنىپتارعا قابىلداۋ بويىنشا ەڭ جوعارى كورسەتكىش شىمكەنت قالاسىندا، تۇركىستان جانە الماتى وبلىستارىندا بايقالىپ وتىر.
جاڭا وقۋ جىلىندا 11-سىنىپتا وقيتىنداردىڭ سانى دا رەكوردتىق كورسەتكىشكە جەتتى - 188900 وقۋشى.
جالپى، 2023-2024 وقۋ جىلىندا مەكتەپتەردە 3,9 ميلليونعا جۋىق قازاقستاندىق ءبىلىم الادى.
55 مىڭ بالا وقۋ جىلىن جاڭا مەكتەپتە باستايدى.
2023 -جىلدىڭ سوڭىنا دەيىن جاڭا 132 مىڭ ورىندىق ءبىلىم بەرۋ ۇيىمدارى پايدالانۋعا بەرىلەدى دەپ جوسپارلانىپ وتىر.
ەلىمىزدە بارلىعى 7,7 مىڭ ورتا ءبىلىم بەرۋ ۇيىمى بار.
