20:29, 03 - شىلدە 2023 | GMT +5
جاپونيادا قاتتى نوسەردەن 37 مەترلىك كوپىر قيرادى
توكيو. قازاقپارات – 3-شىلدەدە جاپونيانىڭ وڭتۇستىك- باتىسىندا قاتتى نوسەردەن كوپىر قيرادى. كۋماموتو قالاسىنىڭ 360 مىڭ تۇرعىنى ەۆاكۋاتسيا تۋرالى حابارلاما الدى. بۇل تۋرالى قازاقپارات Kyodo-عا سىلتەمە جاساپ ءمالىم ەتەدى.
جاپونيا مەتەورولوگيالىق اگەنتتىگى قاتتى نوسەر مەن نايزاعاي سەيسەنبىگە دەيىن جالعاساتىنى تۋرالى ەسكەرتتى جانە تۇرعىنداردى ىقتيمال كوشكىن مەن سىرعىماعا بايلانىستى اباي بولۋعا شاقىردى.
كۋماموتو پرەفەكتۋراسىنىڭ ياماتو جانە ماشيكي كەنتتەرىندە جاۋىن مولشەرى ساعاتىنا 82 م م جانە 80 م م جەتتى. بۇل شىلدەدە وسى ايماق ءۇشىن رەكوردتى كورسەتكىش.
جەرگىلىكتى بيلىكتىڭ ايتۋىنشا، قاتتى جاڭبىردان ياماتو كەنتى ارقىلى اعىپ وتەتىن شاعىن وزەننىڭ ۇستىندەگى 37 مەترلىك بەتون كوپىر وپىرىلىپ تۇسكەن. زارداپ شەككەندەر تۋرالى مالىمەت جوق.
