ەرلان تۇرعىمبايەۆ: قازاقستاندا قىلمىس كورسەتكىشى 37 پايىزعا تومەندەدى
پرەزيدەنتكە ىشكى ىستەر مينيسترلىگىنىڭ 2020 -جىلى اتقارعان جۇمىستارىنىڭ ناتيجەلەرى مەن كريمينوگەندىك احۋالدىڭ جاي- كۇيى تۋرالى اقپارات بەرىلدى.
ءمينيستردىڭ ايتۋىنشا، ەلىمىزدەگى قىلمىس كورسەتكىشى 37 پايىزعا تومەندەگەن، سونداي- اق، ۇرلىق، قاراقشىلىق، توناۋ، بۇزاقىلىق جانە زورلاۋ تۇرىندەگى قىلمىستاردىڭ دا سانى ازايعان. كوشەلەردە جانە باسقا دا قوعامدىق ورىنداردا قاۋىپسىزدىك دەڭگەيى ارتقان. جول- كولىك وقيعالارىنىڭ جانە سونىڭ سالدارىنان جاراقاتتانعان، قازا بولعان ادامداردىڭ سانى قىسقارعان.
قاسىم- جومارت توقايەۆ بۇل باعىتتاعى جۇمىستاردى تۇراقتى باقىلاۋدا ۇستاۋ قاجەتتىگىن اتاپ ءوتتى. سونىمەن قاتار پرەزيدەنتكە بۇرىن بەرىلگەن تاپسىرمالاردىڭ ورىندالۋ ناتيجەلەرى تۋرالى ەسەپ بەرىلدى. ەرلان تۇرعىمبايەۆ ىشكى ىستەر مينيسترلىگى جۇيەسىندە 2021 -جىلدىڭ «قۇقىق بۇزۋشىلىقتىڭ الدىن الۋ جىلى» دەپ جاريالانعانىن ايتىپ، ىشكى ىستەر ورگاندارىن رەفورمالاۋ جونىندەگى جوبالاردىڭ جۇزەگە اسىرىلۋىنا ەگجەي- تەگجەيلى توقتالدى.
اتاپ ايتقاندا جۇمىستىڭ سەرۆيستىك مودەلىن ەنگىزۋ، «جۇرتقا جاقىن پوليتسيا» قاعيداتىن قامتاماسىز ەتۋ، ۋچاسكەلىك ينسپەكتورلار قىزمەتىن رەفورمالاۋ جونىندە ءسوز بولدى. مەملەكەت باسشىسىنا ىشكى ىستەر ورگاندارىنىڭ قىزمەتىن سيفرلاندىرۋعا قاتىستى جوبالار، ازاماتتارعا پوليتسيامەن جەدەل بايلانىس ورناتۋعا مۇمكىندىك بەرەتىن «Police 102» موبيلدىك قوسىمشاسىن ىسكە قوسۋدىڭ العاشقى ناتيجەلەرى تۋرالى باياندالدى.
پرەزيدەنت ازاماتتاردىڭ پوليتسياعا دەگەن سەنىمىن ارتتىرۋدا ايتارلىقتاي جەتىستىككە قول جەتكىزۋگە مۇمكىندىك بەرەتىن ساپالى رەفورما جۇرگىزۋ قاجەتتىگىنە باسا ءمان بەردى. وسى رەتتە ىشكى ىستەر ءمينيسترى كادرلاردى ىرىكتەۋ جۇيەسىنىڭ جەتىلدىرىلىپ جاتقانى، جاڭا بىلىكتىلىك تالاپتارىنىڭ بەكىتىلگەنى، سىبايلاس جەمقورلىققا قارسى يممۋنيتەتتىڭ قالىپتاسۋى، يدەولوگيالىق جانە يميدجدىك جۇمىستاردىڭ كۇشەيتىلگەنى جايىندا مالىمەت بەردى.
بۇدان بولەك پرەزيدەنتكە قىلمىستىق- اتقارۋ جۇيەسىن جاڭعىرتۋ، جازاسىن وتەۋشىلەردىڭ جاعدايىن جاقسارتۋ جانە ولاردى جۇمىسپەن قامتۋ، سونداي- اق، كولونيالاردا جاپپاي بەينەباقىلاۋ قۇرىلعىلارىن ورناتۋ بويىنشا قابىلدانىپ جاتقان شارالار تۋرالى باياندالدى. مينيستر ەڭبەكاقىنى كوبەيتۋگە جانە الەۋمەتتىك جاعدايدى جاقسارتۋعا قاتىستى مەملەكەتتىك قولداۋ شارالارى ءۇشىن پرەزيدەنتكە قىزمەتكەرلەردىڭ العىسىن جەتكىزدى. كەزدەسۋ قورىتىندىسى بويىنشا مەملەكەت باسشىسى ەلىمىزدەگى قۇقىقتىق ءتارتىپ دەڭگەيىن ودان ءارى ارتتىرۋعا، ازاماتتاردىڭ پوليتسياعا دەگەن سەنىمىن نىعايتۋعا جانە قازىرگى زامانعى سىن- قاتەرلەر مەن قاۋىپتەرگە قارسى تۇرۋدىڭ تيىمدىلىگىن قامتاماسىز ەتۋگە باعىتتالعان ءبىرقاتار تاپسىرما بەردى.
سونداي- اق قاسىم- جومارت توقايەۆ مەملەكەتتىك قىزمەت كورسەتۋ ءىسىن تسيفرلاندىرۋ جۇمىستارىن جالعاستىرۋ ماڭىزدى دەپ سانايتىنىن ايتتى.