اشحابادتا جەرگىلىكتى سپورتشىلار 37 مەدال ەنشىلەپ كوش باستادى

استانا. قازاقپارات - تۇرىكمەنستان استاناسى اشحاباد قالاسىندا جاۋىنگەرلىك ونەر تۇرلەرى بويىنشا جابىق عيماراتتا وتەتىن V ازيا ويىندارىندا جەرگىلىكتى سپورتشىلار 16 التىن، 14 كۇمىس، 7 قولا مەدال ەنشىلەپ كوش باستادى، دەپ حابارلايدى قازاقپارات ءتىلشىسى.
None
None

ەكىنشى ورىندا 2 التىن، 3 كۇمىس، 8 قولا مەدال جەڭىپ العان وزبەكستان سپورتشىلارى كەلە جاتىر. ال ۇزدىك ۇشتىكتى 2 التىن، 2 كۇمىس، 3 قولا مەدالمەن تايلاند سپورتشىلارى تۇيىندەپ تۇر.

ازىرگە قازاقستان قورجىنىندا 3 قولا جۇلدە بار. جالپى ەسەپتە ەلىمىز 11-ورىندا كەلەدى. دجي- دجيتسۋدان جانبولات زاكارين 69 كەلىدە، نۇرلان ەسپولوۆ 77 كەلىدە، قۋاندىق ەسەنەيەۆ 85 كەلىدە جۇلدەگە ىلىكتى.

جالپى ازيا ويىندارىنىڭ قازىرگى قورىتىندىسى بويىنشا 12 مەملەكەت مەدال الىپ ۇلگەرگەن.

ولاردىڭ قاتارىندا جوعارىداعى مەملەكەتتەردەن وزگە پاكىستان (1 التىن 2 كۇمىس، 4 قولا)، موڭعوليا (1 التىن 1 كۇمىس، 3 قولا)، اۋعانستان (1 التىن 1 كۇمىس)، تاجىكستان (6 قولا)، يران يسلام رەسپۋبليكاسى (3 قولا مەدال) بار. جالپى، اشحاباد قالاسىندا جابىق كەشەندەگى ازيا ويىندارىندا قازاقستان نامىسىن 16 سپورت ءتۇرى بويىنشا 181 سپورتشى قورعايدى.

اۆتور: كۇنسۇلتان وتارباي

سوڭعى جاڭالىقتار