كوشى-قون زاڭناماسىن بۇزۋعا قاتىستى 37 قىلمىستىق ءىس قوزعالدى

استانا. قازاقپارات - ق ر ءى ءى م كولىكتەگى ىشكى ىستەر دەپارتامەنتىنىڭ كوشى-قون پوليتسياسى باسقارماسى مەن ونىڭ جەلىلىك بولىنىستەرىندە جىل باسىنان بەرى ق ر كوشى-قون زاڭناماسىن بۇزۋعا جول بەرمەۋ جانە انىقتاۋ ماقساتىندا، دەپارتامەنتتىڭ قىزمەت كورسەتۋ اۋماعىندا كوشى-قون ۇدەرىستەرىن باقىلاۋدى قاماتاماسىز ەتۋگە باعىتتالعان ءبىرقاتار شارالار جۇزەگە اسىرىلدى.

كولىكتەگى ءى ءى د باسپا ءسوز قىزمەتىنىڭ حابارلاۋىنشا، جىل باسىنان بەرى كوشى-قون زاڭناماسىن بۇزۋعا قاتىستى 37 قىلمىستىق ءىس قوزعالعان.

ولاردىڭ 16 سى ق ر مەملەكەتتىك شەكاراسىن قاساقانا زاڭسىز كەسىپ ءوتۋ (ق ر 330-بابى)، 15 ى ق ر اۋماعىنان تىس جەرگە شىعۋ تۋرالى سوتتىڭ شەشىمىن ورىنداماۋ، 6 ۋى زاڭسىز كوشى-قون ۇيىمداستىرۋ (ق ر ق ك 330-2-بابى) بويىنشا.

اعىمداعى جىلدىڭ باسىنان بەرى كوشى-قون زاڭناماسىن بۇزعان 1817 ازامات اكىمشىلىك جاۋاپكەرشىلىككە تارتىلدى. سونداي-اق، كوشى-قون زاڭناماسىنان باسقا ءارتۇرلى قۇقىق بۇزعان 3118 شەتەلدىك ازاماتقا اكىمشىلىك جازا قولدانىلدى. سوت شەشىمىمەن 29 شەتەلدىك ازامات ق ر اۋماعىنان تىسقارى شىعارىلدى.

جالپى 11 اي ىشىندە كوشى-قون زاڭناماسىن بۇزعان شەتەلدىك ازاماتتارعا 15 ميلليون 722 مىڭ تەڭگە ايىپپۇل سالىندى.

كولىكتەگى ءى ءى د باستىعىنىڭ ورىنباسارى پوليتسيا پولكوۆنيگى تالعات وتەتىلەۋوۆتىڭ ايتۋىنشا، 2014 - جىلدىڭ 3-5 - جەلتوقسانى ارالىعىندا قۇقىقتىق ءتارتىپتى قامتاماسىز ەتۋ، قازاقستان رەسپۋبليكاسىنىڭ اۋماعىنا زاڭسىز كەلەتىن ادامداردى انىقتاۋ مەن زاڭسىز كوشى-قون ارنالارى مەن ولاردى ۇيىمداستىرۋشىلاردىڭ جولىن كەسۋ ماقساتىندا كولىكتەگى ءى ءى د قىزمەت ەتۋ اۋماعىندا «ميگرانت» جەدەل-الدىن الۋ ءىس-شاراسى وتكىزىلۋدە.