باس پروكۋراتۋرا: قاڭتار وقيعاسى بويىنشا 3770 قىلمىستىق ءىس قوزعالدى
بۇل تۋرالى ق ر باس پروكۋرورى بەرىك اسىلوۆ ءماجىلىستىڭ جالپى وتىرىسىندا «قاڭتار قاسىرەتى» بويىنشا تەرگەۋ بارىسى تۋرالى دەپۋتاتتاردىڭ ساۋالىنا بەرگەن اۋىزشا جاۋابىندا ايتتى.
«مەملەكەت باسشىسى قۇقىق قورعاۋ جانە ارناۋلى ورگاندارعا قاڭتار وقيعاسى سەبەپتەرىن ەگجەي- تەگجەيلى تەرگەپ، تەكسەرۋدى تاپسىردى. اتالعان فاكتىلەر بويىنشا بارلىعى 3770 قىلمىستىق ءىس قوزعالدى. باسىم بولىگى ىشكى ىستەر مينيسترلىگىنىڭ وندىرىسىندە. ولار: ادام ءولتىرۋ، ۇرلىق، قاراقشىلىق. بۇزاقىلىق قارۋ ۇرلاۋ»، - دەدى باس پروكرۋور.
ونىڭ مالىمەتى بويىنشا، سىبايلاس جەمقورلىققا قارسى قىزمەت تەرگەۋدىڭ زاڭسىز تاسىلدەرىن قولداۋ فاكتىلەرى بويىنشا 234 ءىس جۇرگىزۋدە.
«ۇلتتىق قاۋىپسىزدىك كوميتەتى مەملەكەتكە وپاسىزدىق جاساۋ، بيلىكتى باسىپ الۋعا ارەكەت ەتۋ جانە اسا ءىرى مولشەردە پارا الۋ بويىنشا 15 ءىستى تەرگەۋدە. بۇل ىستەر بويىنشا ۇلتتىق قاۋپىسىزدىك كوميتەتىنىڭ بۇرىنعى ءتوراعاسى ءماسىموۆ جانە ونىڭ ءۇش ورىنباسارى سوت سانكسياسىمەن قاماۋعا الىندى. وسى، ورگاننىڭ تاعى 2 باسشىسى، بيلىكتى اسىرا پايدالانۋ كۇدىگىمەن، قىلمىستىق جاۋاپقا تارتىلۋدا»، - دەدى بەرىك اسىلوۆ.
اۆتور: ەسىمجان ناقتىباي
