قازاقستانعا 37 دانا «ايفون-6» تەلەفوندارىن زاڭسىز اكەلگەن ازاماتشا ۇستالدى

الماتى. قازاقپارات - الماتى قالالىق قارجى پوليتسياسى 37 دانا «iPhone-6 16 gb» ۇيالى تەلەفوندارىن قازاقستانعا زاڭسىز اكەلگەن ازاماتشانى ۇستادى.

بۇل تۋرالى ق ر ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنەن حابارلايدى.

«ءابۋ-دابي - الماتى» رەيسىمەن كەلگەن كەلىنشەك 37 دانا  «iPhone-6 16 gb» ۇيالى تەلەفوندارىن شەكارادان وتەتىن كەزدە دەكلاراتسيادان وتكىزبەگەن. تىركەلمەگەن ءونىمنىڭ جالپى قۇنى - 6 ميلليون 281 مىڭ 635 تەڭگە.

قالالىق قارجى پوليتسياسى كەدەندىك وداقتىڭ كەدەندىك شەكاراسى ارقىلى تاۋاردى زاڭسىز تاسىمالداعانى ءۇشىن اتالمىش ازاماتشاعا قاتىستى ق ر ق ك 209-بابىنىڭ 1-تارماعى بويىنشا (ەكونوميكالىق كونتراباندا) قىلمىستىق ءىس قوزعادى.

قازىر تەرگەۋ امالدارى جالعاسۋدا.

اۆتور: گۇلميرا عوسمانالي