جەكسەنبىدە جەتىسۋ، جامبىل، الماتى وبلىستارىندا 36 گرادۋسقا دەيىن قاتتى اياز ساقتالادى

استانا. قازاقپارات - قازگيدرومەت سينوپتيكتەرى 15-قاڭتار، جەكسەنبىگە ارنالعان اۋا رايى بولجامىن جاريالادى، دەپ حابارلايدى قازاقپارات.

قازاقستان اۋماعىنىڭ باسىم بولىگىنە ءالى دە اۋقىمدى انتيسيكلون اسەرىنەن جاۋىن- شاشىنسىز اۋا رايى ساقتالادى.

رەسپۋبليكانىڭ شىعىسىندا، سولتۇستىگىندە، ورتالىعىندا اتموسفەرالىق فرونتتارعا بايلانىستى قار جاۋادى، جاياۋ بۇرقاسىن سوعىپ، جەل كۇشەيەدى.

تەك رەسپۋبليكانىڭ وڭتۇستىگىندە تۇمان تۇسەدى.

تۇندە جەتىسۋ وبلىسىنىڭ سولتۇستىگىندە، تاۋلى اۋداندارىندا 31-36 گرادۋس وتە قاتتى اياز ساقتالادى.

الماتى، جامبىل وبلىستارىنىڭ سولتۇستىگىندە، تاۋلى اۋداندارىندا 30-32 گرادۋس قاتتى اياز بولادى.