قازاقستاندا كوروناۆيرۋسپەن اۋىرعان 365 ادامنىڭ جاعدايى اۋىر

نۇر-سۇلتان. قازاقپارات - قازاقستاندا كوروناۆيرۋسپەن اۋىرعان 365 ادامنىڭ جاعدايى اۋىر، دەپ حابارلايدى قازاقپارات دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

«2- ساۋىردەگى مالىمەت بويىنشا، 26095 ادام كورونوۆيرۋس ينفەكتسياسىنان (24512 ك ۆ ي+ جانە 1583 ك ۆ ي-) ەمدەلۋدە، ولاردىڭ ىشىندە 9098 پاتسيەنت ستاتسيوناردا جاتىر، 16997 ناۋقاس امبۋلاتوريالىق دەڭگەيدە ەم قابىلداپ ءجۇر.

ك ۆ ي+، ك ۆ ي- شالدىققانداردىڭ اراسىندا:

• 365 ادامنىڭ جاعدايى اۋىر؛

• 90 پاتسيەنتتىڭ جاعدايى وتە اۋىر؛

• 56 ناۋقاس ءو ج ج اپپاراتىندا جاتىر»، دەلىنگەن حابارلامادا.

31- ناۋرىزداعى مالىمەت بويىنشا، ەلىمىزدە كوروناۆيرۋستان 14 ادام كوز جۇمعان. ونىڭ 12 ءسى ك ۆ ي+، ەكەۋى كوروانۆيرۋس ينفەكتسياسىنىڭ بەلگىسى بار پنيەۆمونيا.

ەسكە سالا كەتسەك، 20- ناۋرىزدا ەلىمىزدە كوروناۆيرۋس جۇقتىرعان 250 ادامنىڭ جاعدايى اۋىر ەكەنى حابارلاندى.