تايۆاندا پويىز اپاتقا ۇشىرادى: 36 ادام قازا تاۋىپ، 72 جولاۋشى زارداپ شەكتى
تايبەي-تايتۋنگ مارشرۋتى بويىنشا باعىت الىپ بارا جاتقان ەكسپرەسس پويىز حۋاليان ۋەزىنىڭ سولتۇستىگىندە رەلستەن شىعىپ كەتكەن. حابارلاما دەرەگىنشە، پويىز كوبىنە تۋريستەردى تاسىعان. وقيعا كەزىندە پويىزدا شامامەن 350 گە جۋىق ادام بولعان. الدىڭعى ءتورت ۆاگونداعى 80-100 ادام ءساتتى ەۆاكۋاتسيالاندى، باسقا ۆاگوندارعا جەتۋ مۇمكىندىگىن دەفورماتسيا قيىنداتىپ وتىر دەپ حابارلاندى.
ەلدىڭ ورتالىق تەلەگراف اگەنتتىگىنىڭ دەرەگىنشە، اپات تۇراققا دۇرىس تۇرماۋ سالدارىنان پويىز جولىنا قۇلاپ تۇسكەن جۇك اۆتوموبيلىمەن سوقتىعىسۋ ناتيجەسىندە بولۋى مۇمكىن. رەلستەن شىعىپ كەتكەن پويىزدىڭ جانىنداعى جۇك كولىگىنىڭ قالدىعى سۋرەتكە تۇسىرىلگەن.
تەمىرجول اكىمشىلىگىنىڭ مالىمەتىنشە، پويىزدىڭ الدىڭعى بولىگى ۇڭگىرجولدىڭ تىسقارى بەتىندە قالعان. قازىرگى كەزدە ۇڭگىرجولدىڭ ىشكى جاعىندا قالعان جولاۋشىلاردى قۇتقارۋ بويىنشا جۇمىستار جۇرگىزىلىپ جاتىر. اپات سينمين ءداستۇرلى مەرەكەسىنىڭ قارساڭىندا بولدى دەپ حابارلانادى.
اۆتور: ءبيبىحان سەرىكوۆا
