الداعى كۇندەرى 35 گرادۋس اياز بولادى

استانا. قازاقپارات - سينوپتيكتەر 22-24- جەلتوقسانعا ارنالعان اۋا رايى بولجامىن جاريالادى، - دەپ حابارلايدى قازاقپارات تىلشىسى قازگيدرومەتكە سىلتەمە جاساپ.

الداعى ءۇش تاۋلىكتە قازاقستاننىڭ باسىم بولىگىندە اۋا رايى تۇراقسىز بولادى.

جىلۋ مەن ىلعال بار اتلانتيكالىق تسيكلونىمەن قار، بۇرقاسىن، جەلدىڭ كۇشەيۋى 15-20، ەكپىنى سەكۋندىنا 23-28 مەتر بولادى. ەلىمىزدىڭ باتىسىندا، وڭتۇستىگىندە، وڭتۇستىك-شىعىسىندا كوكتايعاق بولادى. اتموسفەرالىق جوعارى قىسىم القابىمەن تەك ەلىمىزدىڭ باتىسى مەن وڭتۇستىگىندە نەگىزىنەن جاۋىن-شاشىن بولمايدى.

سينوپتيكالىق پروتسەستەردىڭ تەز اۋىسۋىنان تەمپەراتۋرا كۇرت وزگەرۋى مۇمكىن، اتاپ ايتقاندا ەلىمىزدىڭ سولتۇستىگىندە، شىعىسىندا جانە ورتالىعىندا اۋا تەمپەراتۋراسىنى 23- جەلتوقساندا تۇندە 20-35 گرادۋسقا دەيىن تومەندەيدى، ال 24- جەلتوقساندا تۇندە 5-20 ايازعا دەيىن جوعارىلايدى.