اتىراۋداعى قايىرىمدىلىق اۋكتسيونىندا قورعا 35 ميلليون تەڭگە ءتۇستى

اتىراۋ. قازاقپارات - اتىراۋدا 30- ءساۋىر كۇنى «BikeRide Atyrau-2018» العاشقى ۆەلوشەرۋى اياسىندا قايىرىمدىلىق اۋكتسيونى وتكەن بولاتىن.

اتالعان اۋكتسيون بارىسىندا قورعا 35 ميلليون تەڭگە ءتۇستى، دەپ حابارلايدى قازاقپارات ءتىلشىسى.

كەش قوناقتارىنىڭ قاتارىندا وليمپيادا چەمپيوندارى يليا يلين، الەكساندر ۆينوكۋروۆ، «استانا» ۆەلوكومانداسىنىڭ مۇشەلەرى مەن كاسىپكەرلەر، ءتۇرلى كومپانيا مەن ۇيىمداردىڭ وكىلدەرى قاتىستى.

اۋكتسيونداعىەڭ قىمبات لوت «Vino Bike»  ۆەلوسيپەدى - 10 ميلليون 400 مىڭ تەڭگە. ونى قۇلسارى قالاسىنان كەلگەن وتباسى ساتىپ الدى. وسى وتباسى ەكىنشى كوللەكتسيالىق ارگون 18 ۆەلوسيپەدىن 5 ميلليون 400 مىڭ تەڭگەگە باعالادى.

«كاسىپكەردىڭ ايەلى سامال ۆەلوسيپەدتەردى وزدەرىنىڭ كىشكەنتاي ۇلدارىنا سىيلايتىنىن ايتتى»، - دەيدى اۋكتسيون ۇيىمداستىرۋشىلارى.

سونىمەن قاتار، اۋكتسيون بارىسىندا مايك تايسوننىڭ ءوز قولتاڭباسى بار قولعاپتارى 3 ميلليون 200 مىڭ تەڭگەگە باعالاندى، روي دجونسوننىڭ قولتاڭباسى بار قولعاپتار 1 ميلليون 200 مىڭ تەڭگە بولدى.

قايىرىمدىلىق اۋكتسيونىندا ەكى چەمپيوننىڭ قولتاڭبالارى بار جەيدەلەر، سيرەك كەزدەسەتىن ۆەلوسيپەدتەر، سونىمەن قاتار ەڭ ءىرى ەۆروپالىق ۆەلوتۋر وتەتىن يسپانيانىڭ ۆۋەلتا قالاسىنا 3 كۇندىك تۋر ويناتىلدى. الەكساندر ۆينوكۋروۆتىڭ ءوزى روي دجونسوننىڭ قولتاڭباسى بار قولعاپتاردىڭ يەسى اتاندى. وليمپيادا چەمپيونى لوتتى 1 ميلليون 200 مىڭ تەڭگەگە باعالادى»، - دەيدى ۇيىمداستىرۋشىلار.

اۋكتسيوندا «استانا» ۆەلوكومانداسى مەن اتىراۋ وبلىستىق سپورتتى دامىتۋ جانە قولداۋ قوعامدىق قورى اتىنان بارلىعى 12 لوت ساۋدالاندى.

قايىرىمدىلىق شاراسى كەزىندە 34,4 ميلليون تەڭگە قارجى ءتۇستى.

بارلىق قارجى اتىراۋ وبلىسىنداعى ۆەلوسپورتتى دامىتۋعا جۇمسالادى.