شاحتادا قۇربان بولعاندار سانى 35 ادامعا جەتتى

استانا. قازاقپارات - يراننىڭ گۇلستان پروۆينتسياسىنداعى كومىر شاحتاسىندا بولعان جارىلىستىڭ قۇرباندارىنىڭ سانى 35 ادامعا جەتتى.

30 عا جۋىق ادام زارداپ شەككەن، دەپ حابارلايدى ت ا س س Reuters اگەنتتىگىنە سىلتەمە جاساپ.

وسىعان دەيىن 21 ادامنىڭ مەرت بولعاندىعى جونىندە حابار تاراتىلعان. كۇشتى جارىلىس سارسەنبى كۇنى گۇلىستان پروۆينتسياسىنىڭ سولتۇستىك شىعىسىنداعى ازادشاحر قالاسىنىڭ ماڭىنداعى «زامەستانە يۋرت» كومىر شاحتاسىندا بولدى.

1,8 مىڭ مەتر تەرەڭدىكتە ونداعان كەنشىلەر قالىپ قويدى. وقيعا ورنىندا قارۋلى كۇشتەردىڭ بولىمشەلەرى مەن ءيىسشىل يتتەرى بار كينولوگتاردىڭ كومەگىمەن اۋقىمدى قۇتقارۋ جۇمىستارى جۇرگىزىلىپ جاتىر.

الدىن الا مالىمەتتەر بويىنشا، جارىلىسقا نورمادان تىس كوپ پايدالانىلعان مەتان قوسپاسى سەبەپ بولعان.