دامۋ الەۋەتى بار 3561 اۋىل جاڭعىرتىلماق
«قۋاتتى وڭىرلەر - ەل دامۋىنىڭ درايۆەرى» ۇلتتىق جوباسى بازالىق قىزمەتتەرگە تەڭ قولجەتىمدىلىكتى جانە ەلىمىزدىڭ كولىكتىك بايلانىسىن قامتاماسىز ەتۋگە باعىتتالعان. بۇل وڭىرلەر اراسىنداعى قاتىناستى جانە وڭىرلەر ىشىندەگى ەلدى مەكەندەردىڭ ءبىر- بىرىمەن بايلانىسىن قامتاماسىز ەتەدى. وسى باعىتتاردى ىسكە اسىرۋ اياسىندا 4 مىندەت، 20 كورسەتكىش جانە 94 ءىس- شارا كوزدەلگەن. ۇلتتىق جوبانى قارجىلاندىرۋدىڭ جالپى كولەمى شامامەن 7,6 تريلليون تەڭگە، ونىڭ ىشىندە رەسپۋبليكالىق بيۋدجەتتە 4 تريلليون تەڭگەدەن استام، ال جەرگىلىكتى بيۋدجەتتەردە 786 ميللرياد تەڭگە قاراجات قاراستىرىلعان. بۇل قاراجات شامامەن 2,8 ت تريلليون تەڭگە جەكە ينۆەستيتسيالار تارتۋعا مۇمكىندىك بەرەدى»، - دەدى ءا. ەرعاليەۆ.
«قۋاتتى وڭىرلەر - ەل دامۋىنىڭ درايۆەرى» ۇلتتىق جوباسىنىڭ نەگىزگى شارالارىندا 13,5 تريلليون تەڭگە تۇرعىن ءۇي قۇرىلىسىنا ينۆەستيتسيا تارتىلادى، 16 مىڭ شاقىرىم سۋمەن جابدىقتاۋ جانە سۋ بۇرۋ جەلىلەرى سالىنادى. ەكىنشى جولداردى سالۋ جانە «دوستىق- مويىنتى» ۋچاسكەسىن ەلەكترلەندىرۋ ەسەبىنەن «قىتاي- ەۋروپا- قىتاي» قاتىناسىنىڭ وتكىزۋ قابىلەتىن 5 ەسەگە ۇلعايتۋ جوسپارلانۋدا. «تۇركىستان- شىمكەنت- تاشكەنت» جوعارى جىلدامدىقتى ماگيسترالىنىڭ قۇرىلىسى قامتاماسىز ەتىلەدى. ۇلتتىق جوبانى ىسكە اسىرۋ قورىتىندىلارى بويىنشا مىناداي كورسەتكىشتەرىنە قول جەتكىزىلەتىن بولادى:
- قالالار مەن اۋىلداردا سۋمەن جابدىقتاۋ جانە سۋ بۇرۋ قىزمەتتەرىنە % 100 قولجەتىمدىلىك قامتاماسىز ەتىلەدى.
- 2025 -جىلدىڭ سوڭىنا دەيىن دامۋ الەۋەتى بار 3561 اۋىلدى جاڭعىرتۋ جوسپارلانۋدا.
- 103 ميلليون شارشى مەتر تۇرعىن ءۇي پايدالانۋعا بەرىلەتىن بولادى.
- رەسپۋبليكالىق اۆتوجولداردىڭ بارلىعى جانە جەرگىلىكتى دەڭگەيدەگى اۆتوجولداردىڭ %95 جاقسى جاعدايعا جەتكىزۋ كوزدەلىپ وتىر.
- اۆتوموبيل جولدارىنىڭ ساپاسىن ارتتىرۋ ترانزيتتىك جۇك اعىنى كولەمىن 2025 -جىلعا قاراي 30 ميلليون تونناعا دەيىن ۇلعايتۋعا مۇمكىندىك بەرەدى.
«جالپى، جوعارىدا اتالعان ءۇش ۇلتتىق جوبانى ءتيىمدى ىسكە اسىرۋ تۇراقتى ەكونوميكالىق ءوسۋدى %5 جوعارى دەڭگەيدە قامتاماسىز ەتۋگە، حالىقتىڭ تابىسىن %27 ارتتىرۋعا جانە 450 مىڭ تۇراقتى جۇمىس ورنىن قۇرۋعا مۇمكىندىك بەرەدى. سونىمەن قاتار، دۇنيەجۇزىلىك ەكونوميكالىق فورۋمنىڭ باسەكەگە قابىلەتتىلىك رەيتينگىندە ينفراقۇرىلىم ساپاسى بويىنشا قازاقستاننىڭ پوزيتسياسىن قىرقىنشى ورىنعا دەيىن جاقسارتۋ كوزدەلۋدە»، - دەدى مينيستر.
بۇدان بۇرىن حابارلانعانداي، مينيستر ۇكىمەتتە ءۇش ۇلتتىق جوبانى تانىستىردى. قازاقستان رەسپۋبليكاسى پرەزيدەنتى جانىنداعى رەفورمالار جونىندەگى جوعارى كەڭەستىڭ تاپسىرماسىن ورىنداۋ ماقساتىندا، ۇلتتىق ەكونوميكا مينيسترلىگى مۇددەلى مەملەكەتتىك ورگاندارمەن بىرلەسىپ ءۇش ۇلتتىق جوبانى ازىرلەدى. ولار «قازاقستاندىقتاردىڭ ءال- اۋقاتىن ارتتىرۋعا باعىتتالعان تۇراقتى ەكونوميكالىق ءوسۋ» جانە «كاسىپكەرلىكتى دامىتۋ»، سونىمەن بىرگە «قۋاتتى وڭىرلەر - ەل دامۋىنىڭ درايۆەرى» اتتى ۇلتتىق جوبالار.
