قازاقستاننىڭ 350-گە جۋىق كومپانياسى الىس شەتەلگە جۇك تاسىمالداۋمەن اينالىسادى
«بۇگىندە وتاندىق تاسىمالداۋشىلار الەمنىڭ 42 ەلىمەن جاسالعان اۆتوموبيل تاسىمالدارى تۋرالى ۇكىمەتارالىق كەلىسىمدەر اياسىندا جۇك تاسىمالداۋدى جۇزەگە اسىرۋمەن اينالىسىپ ءجۇر. وسى كەلىسىمدەردىڭ 34- ءى جۇك تاسىمالداۋدىڭ تولىق رۇقسات بەرەتىن، التاۋى تەك ءۇشىنشى ەلدەرگە/ەلدەردەن تاسىمالداۋعا رۇقسات بەرەتىن، ەكەۋى جول ءجۇرۋدىڭ تولىق رۇقسات بەرەتىن جۇيەسىن قاراستىرادى» - دەپ جازدى ەركەبۇلان داۋىلبايەۆ دەپۋتاتتىق ساۋالعا جاۋابىندا.
وسىعان بايلانىستى، حالىقارالىق اۆتوموبيل تاسىمالى ىشكى نارىعىنىڭ مۇددەلەرىن ەسكەرە وتىرىپ، شەتەلدىك وكىلەتتى ورگاندارمەن رۇقسات بلانكتەرىمەن (شامامەن 140 مىڭ بىرلىك) الماسۋ جۇزەگە اسىرىلادى. بۇل بلانكتەر اۆتوماتتاندىرىلعان جۇيەدە ۇلەستىرىلىپ، سۇرانىس كورسەتىلگەن تاسىمالداۋ تۇرىنە رۇقساتى بار وتاندىق تاسىمالداۋشىلارعا بەرىلەدى.
«الىس شەت ەلدەرگە تاسىمالداۋمەن 7615 اۆتوكولىك پاركى بار 350-گە جۋىق وتاندىق كومپانيا اينالىسىپ وتىر. بۇل رەتتە، قولدا بار مالىمەتتەرگە سايكەس، قازاقستاندا حالىقارالىق تاسىمالداۋمەن 13 ەلدىڭ (لاتۆيا، ليتۆا، گەرمانيا، رەسەي، گرۋزيا، بەلارۋس، تۇركيا، نيدەرلاندى، يتاليا، اۋعانستان، پاكىستان، يران جانە ب ءا ا) سۋبەكتىلەرىنىڭ قاتىسۋىمەن 41 بىرلەسكەن كاسىپورىن جانە شامامەن 2 مىڭعا جۋىق كولىكتەن تۇراتىن پارك اينالىسۋدا»، - دەپ تۇيىندەدى ۆيتسە- مينيستر.
اۆتور: زارينا تۋعانبايەۆا
