ەلىمىزدە الداعى كۇندەرى 35-40 گرادۋسقا دەيىن اياز بولادى

استانا. قازاقپارات - «قازگيدرومەت» ر م ك 31- قاڭتاردان 2- اقپانعا دەيىن اۋا رايى بولجامىن ۇسىندى، دەپ حابارلايدى قازاقپارات.

«وزبەكستانداعى وڭتۇستىك تسيكلون الداعى تاۋلىكتە قازاقستاننىڭ ورتالىق اۋداندارىنا اۋىسىپ، وڭتۇستىك-شىعىستا، شىعىستا، ورتالىقتا جانە سولتۇستىكتە اۋا تەمپەراتۋراسىنىڭ جوعارلاۋىنا ىقپال ەتەدى. ءبىراق، كۇن جىلىنعانىمەن، قار جاۋىپ، بۇرقاسىن، ەكپىندى جەل سوعادى. وڭتۇستىك-شىعىستا قار ارالاس جاڭبىر جاۋىپ، تۇمان تۇسەدى جانە كوكتايعاق بولادى. ال تسيكلوننىڭ ارتىنان ورتالىعى كارسك تەڭىزىندە ورنالاسقان سۋىق انتيتسيكلون كەلەدى. سوندىقتان، كۇن جىلىنىپ، ارتىنان قايتا سۋىتادى. تۇندە اۋا تەمپەراتۋراسى سولتۇستىك، ورتالىق جانە شىعىس وبلىستاردا مينۋس 35-40 گرادۋسقا تومەندەيدى»، - دەلىنگەن حابارلامادا.