قازاقستان بويىنشا «قاسىم حان» تۋرالى فيلمنىڭ كاستينگىنە 34 مىڭ ادام قاتىسقان

الماتى. قازاقپارات - الماتىدا «قاسىم حان» تاريحي سەريالىنا جاريالانعان كاستينگ اياقتالدى، دەپ حابارلايدى قازاقپارات ءتىلشىسى.

2 جارىم ايدا ۇيىمداستىرۋشىلار قازاقستان بويىنشا  34004 ءوتىنىم قابىلداعان.

 «كاستينگ بىتكەن كەزدە ءبىز  34004 ادامنىڭ ۇمىتكەرلىگىن قابىلدادىق. «قازاق فيلم» كينوستۋدياسىنا پروباعا 7168 ادام، ەلەكتروندى پوشتاعا 7158 حات كەلگەن. 6045 ۇمىتكەردەن ونلاين انكەتا قابىلداندى. كاستينگ قازاقستاننىڭ 24 قالاسىندا ءوتتى»، - تاريحي سەريالدىڭ كاستينگ ديرەكتورى الما بايمۇراتوۆا.

ىرىكىتەۋ جۇمىستارى 25 - قاڭتاردان 31 - ناۋرىزعا دەيىن جالعاستى. الما بايمۇراتوۆانىڭ ايتۋىنشا، نۇر- سۇلتان، كوكشەتاۋ، پەتروپاۆلوۆسك قالالارىندا حالىق وتە بەلسەندى بولعان.

«ساۋىردەن مامىرعا دەيىن كاستينگتىڭ ەكىنشى تۋرى باستالادى. كەلەسى كەزەڭ ۆيدەوتۇسىرىلىم رەتىندە وتەدى. ايماقتاردا ءبىرىنشى كەزەڭنەن وتكەندەردى الماتىعا شاقىرامىز»، - دەدى ول.

كينوكارتينانىڭ ءتۇسىرىلىمى جازدا باستالادى. ءبىرىنشى ماۋسىمى 25 - سەريادان تۇرادى.

ەستەرىڭىزگە سالا كەتسەك، قازاقتىڭ ۇلى حاندارىنىڭ ءبىرى - قاسىم حاننىڭ ءومىرى تۋرالى باياندايتىن كينوجوبانى ق ر مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاق فيلم» ا ق تۇسىرەدى.

جوباعا تانىمال «ەرتۇعىرىل» تۇرىك تەلەحيحاياسىنىڭ رەجيسسەرى مەتين گيۋناي شاقىرىلدى.

اۆتور: گۇلميرا عوسمانالي