جامبىلدىق 34 وتباسى سولتۇستىك وڭىرلەرگە قونىس اۋدارعان
وتكەن جىلى جامبىل وبلىسىنىڭ قورداي اۋدانىنان سولتۇستىك قازاقستان وبلىسىنا 26 وتباسى كوشكەن. حالىق تۇرعىلىقتى جەرلەرىن اۋىستىرماس بۇرىن قورداي اۋدانىنان ءبىر توپ دەلەگاتسيا سولتۇستىك قازاقستانعا بارىپ قايتقان بولاتىن.
دەلەگاتسيا قۇرامىنا قورداي اۋدانىنىڭ باسشىلىعى، سورتوبە اۋىلدىق وكرۋگىنىڭ اكىمى، №50 -ورتا مەكتەپ ديرەكتورى، ماسانشى اۋىلىنىڭ قاريالارى كىرگەن. ولار س ق و باسشىلىعىمەن كەزدەسكەن سوڭ ورنالاسۋعا ۇسىنىلعان جەرلەردى تالقىلاپ، وبلىستىڭ ءۇش اۋدانىن قاراستىرعان. تۋعان جەرگە ورالعان سوڭ تۇرعىندارعا بارلىعى قايتا ءتۇسىندىرىلدى، ناتيجەسىندە سولتۇستىك قازاقستان وبلىسىنىڭ اۋداندارىنا قوردايلىق 26 وتباسى قونىس اۋدارۋعا نيەت ءبىلدىردى.
«سولتۇستىك، شىعىس، قوستاناي جانە پاۆلودار وبلىستارىنان كەلىپ تۇسكەن بوس جۇمىس ورىنداردىڭ ءتىزىمى وبلىستىڭ بارلىق قالالىق جانە اۋداندىق حالىقتى قىزمەتپەن قامتۋ ورتالىقتارىنا جىبەرىلەدى. تۇرعىندارعا ءتۇسىندىرۋ ناتيجەسىندە وسى جىلدىڭ 1 -مامىرىندا وبلىستان 34 وتباسى، ياعني 159 ادام كوشىرىلدى. 27 وتباسى سولتۇستىك قازاقستانعا قونىستانسا، 5 وتباسى پاۆلودار وبلىسىنا، 2 وتباسى شىعىس قازاقستانعا كەتتى. بارلىق وتباسىلارعا ۇيلەر مەن جەر تەلىمدەرى بەرىلدى»، - دەدى وبلىستىق اكىمدىكتە.
تارازدا جاقىندا سولتۇستىك وبلىستاردىڭ (ش ق و، پاۆلودار جانە قوستاناي) وكىلدەرىنىڭ قاتىسۋىمەن ايماقارالىق بوس ورىندار جارمەڭكەسى ءوتتى.
جارمەڭكەدە كوشىرۋ مۇمكىن جەرلەر مەن ماماندىقتار بويىنشا بوس جۇمىس ورىندار ۇسىنىلدى، دەپ اتاپ ءوتتى جامبىل وبلىسىنىڭ اكىمدىگىندە.
