20:23, 05 - قاڭتار 2016 | GMT +5
تەمىرتاۋدا 34 جاستاعى گيمناست ايەل جاڭاجىلدىق سۋ كورىنىسىنەن كەيىن قايتىس بولدى
قاراعاندى. قازاقپارات - قاراعاندى وبلىسىنىڭ تەمىرتاۋ قالاسىندا 34 جاستاعى گيمناست ايەل ەكاتەرينا كوكۋرينا «سۋداعى شىرشا» كورىنىسىنەن كەيىن قايتىس بولدى، دەپ حابارلايدى «قازاقپارات» ح ا ا- نىڭ ءتىلشىسى.
«سۋداعى شىرشا» كورىنىسى «جاستار» باسسەينىندە وتكەن. اكروباتيكالىق تريۋك ورىنداعان ءارتىس ايەل ءوزىن ناشار سەزىنىپ، ىلمەككە ورانىپ قالعان. ونى شەشكەن سوڭ، «جەدەل جاردەم» ايەلدى اۋرۋحاناعا الىپ كەتتى»، - دەپ باياندادى كۋاگەرلەر.
الدىن الا نۇسقا بويىنشا، ءارتىس ايەل ميكروينسۋلت العان. دارىگەرلەر وعان مەديتسينالىق كومەك كورسەتكەنمەن، بىرنەشە كۇننەن سوڭ كورىنىستىڭ قاتىسۋشىسى اۋرۋحانادا كوز جۇمدى. جەرلەۋ ءراسىمى بۇگىن تەمىرتاۋ قالاسىندا بولدى.
