11:58, 11 - ءساۋىر 2016 | GMT +5
سوت 33 جىل بويى كىناسىز تۇرمەدە وتىرعان ازاماتتى بوساتتى
استانا. قازاقپارات - ا ق ش- تىڭ ۆيردجينيا شتاتىنىڭ سوتى 33 جىلىن تەمىر توردىڭ ار جاعىندا وتكىزگەن كيت اللەن گارۆاردتى بوساتۋ تۋرالى ۇكىم شىعاردى دەپ حابارلايدى 24.kz.
سەبەبى، ونىڭ كىناسىز ەكەندىگىن د ن ق ساراپتاماسىنىڭ قورىتىندىسى دالەلدەگەن. بۇل ازامات نيۋپورت-نيۋس تۇرعىنىن ءولتىرىپ، ونىڭ ايەلىن قورلاعان دەگەن ايىپپەن قامالعان بولاتىن. ويتكەنى گارۆارد جابىرلەنۋشىلەردىڭ ۇيىنە جاقىن ورنالاسقان ا ق ش- تىڭ ا ا ك كەمەسىندە قىزمەت ەتكەن.
قۇقىق قورعاۋشىلار ونىڭ تىستەرى جاپا شەككەن ايەلدىڭ اياعىنداعى ءتىس ىزدەرىنە سايكەس كەلەتىندىگىن ايتىپ، اباقتىعا جاپقان. سوڭعى مالىمەتتەرگە قاراعاندا، قىلمىستى 2006-جىلى ۇرلىق ءۇشىن جازاسىن وتەپ ءجۇرىپ قايتىس بولعان گارۆاردتىڭ كەزىندەگى ارىپتەسى جاساعان بولۋى مۇمكىن.
