13:21, 21 - ماۋسىم 2015 | GMT +5
اقتاۋدا 33 جاستاعى ەر ادام تەڭىزگە باتىپ كەتتى
استانا. قازاقپارات - اقتاۋ قالاسىندا ەر ادام جولداستارىنىڭ كوز الدىندا سۋعا باتىپ كەتتى، دەپ جازادى قۇقىق قورعاۋ ورگاندارىنا سىلتەمە جاساعان lada.kz.
اجال قۇشقان 33 جاستاعى ەر ادام اقتاۋداعى 26- شاعىن اۋداننىڭ تۇرعىنى بولعان. ونىڭ ەكى دوسىمەن بىرگە وبلىس ورتالىعىنىڭ 4- شاعىن اۋدانىنداعى 7- ۇيگە قارسى بەتتە تەڭىزدە دەمالعانى حابارلانىپ وتىر.
تەڭىزگە جالعىز ءوزى شومىلعان ول قاس-قاعىم ساتتە سۋعا باتىپ كەتكەن. مۇنى كورگەن دوستارى پوليتسيا قىزمەتىنە حابارلاسقان.
قۇتقارۋشىلاردىڭ ۇيىمداستىرعان جەدەل-ىزدەۋ شارالارىنىڭ بارىسىندا ەر ادامنىڭ مۇردەسى تابىلدى.
