الماتى جاتاقحانالارىندا 32 مىڭ ورىن تاپشى - فوتو
جاستار ساياساتى باسقارماسىنىڭ مالىمەتىنشە، الماتى قالاسىندا 35 جوعارى وقۋ ورنى بار، وندا 197 مىڭنان استام ستۋدەنت ءبىلىم الادى، ونىڭ 126 مىڭنان استامى باسقا قالالاردان كەلگەن. بۇگىنگى تاڭدا، قالادا 98 ستۋدەنتتىك جاتاقحانا بار، وندا 31 مىڭنان استام ستۋدەنت تۇرادى. بۇل رەتتە، توسەك-ورىن تاپشىلىعى 32 مىڭ.
«ستۋدەنتتەردىڭ جىل سايىنعى تولىقتىرۋلارىن ەسكەرە وتىرىپ، ءبىز قىسقا جانە ۇزاق مەرزىمدى سيپاتتاعى بەلگىلى ءبىر جۇيەلى شارالاردى دايىندادىق. ستۋدەنتتىك جاتاقحانالارداعى ورىن تاپشىلىعىن وڭتايلى شەشۋ ءۇشىن وقۋ جىلىنىڭ باسىندا ستۋدەنتتەردى ورنالاستىرۋ بويىنشا كەلەسىدەي دايىندىق جۇمىستارى جۇرگىزىلدى. اتاپ ايتار، بولساق الماتى قالاسى تۋريزم باسقارماسىمەن بىرلەسىپ قوناقۇيلەر مەن جاتاقحانالار دايىندالدى. قوناق ءۇي بيزنەسىنىڭ نىساندارى ستۋدەنتتەردى 10 مىڭ توسەك-ورىنعا قونىستاندىردى، ولاردىڭ كەيبىرەۋلەرى كەلەشەكتە ستۋدەنتتىك جاتاقحانالار رەتىندە جاڭعىرتۋدى جوسپارلاپ وتىر»، - دەيدى الماتى قالاسى جاستار ساياساتى باسقارماسىنىڭ باسشىسى قايىرجان مەڭدىعاليەۆ.
ايتۋىنشا، عىلىم جانە جوعارى ءبىلىم ينيسترلىگىمەن بىرلەسىپ Call-سەنتر جۇمىس ىستەيتىن احۋالدىق ورتالىق قۇرىلىپ، جۇمىسىن جالعاستىرۋدا. ماسەلەن، قازىردىڭ وزىندە 4 مىڭنان استام قوڭىراۋ ءتۇستى.
سونىمەن قاتار، جوعارى وقۋ ورىندارىندا جاتاقحاناعا ورنالاسۋعا ارنالعان ونلاين- پلاتفورما بار - بۇل ستۋدەنتتەرگە ونلاين تۇردە جاتاقحانادان ورىن الۋعا مۇمكىندىك بەرەتىن ۋنيۆەرسيتەتتىڭ ۆەب- سايتى. بارلىق ۋنيۆەرسيتەتتەردە ستۋدەنتتەر بىرىگىپ، پاتەر جالداي الاتىن ونلاين چاتتار قۇرىلدى.
«بۇگىن ءبىز سىزدەرمەن بىرگە 170 ورىندىق HOUSE OF THE STUDENTS- كە باردىق. مۇندا ءالى دە بوس ورىندار بار. سونداي-اق، حالىقارالىق ينجەنەرلىك-تەحنولوگيالىق ۋنيۆەرسيتەتى 118 توسەك-ورىنى بار «سارباز» قوناقۇيىمەن بىرىگىپ جۇمىس ىستەيدى، بولاشاقتا بۇل ءقوناقۇي ستۋدەنتتىك جاتاقحانا بولىپ قايتا قۇرىلۋدى جوسپارلاپ وتىر»، - قايىرجان مەڭدىعاليەۆ.
سونىمەن قاتار، ول جاتاقحانالار سالۋ كەزىندە جوعارى وقۋ ورىندارى مەن ينۆەستورلارعا قولداۋ كورسەتۋ ءۇشىن بيىل ناۋرىز ايىندا عىلىم جانە جوعارى ءبىلىم مينيسترلىگىمەن بىرلەسىپ جوبالىق كەڭسە قۇرىلعانىن اتاپ ءوتتى.
«جوبالىق كەڭسە ىسكە قوسىلعاننان بەرى 107 دەن استام الەۋەتتى ينۆەستور ءوتىنىم بەردى، بۇل قولداۋ تەتىگىنىڭ تارتىمدىلىعىن كورسەتەدى. جۇمىستا 47 جوبا بار. ونىڭ 2 نىسانى اشىلدى. 15-قىركۇيەككە دەيىن تاعى 900 توسەك-ورىن اشۋدى جوسپارلاپ وتىرمىز. جىل سوڭىنا دەيىن 3939 توسەك-ورىنعا ارنالعان 16 نىساندى پايدالانۋعا بەرۋ جوسپارلانۋدا»، - دەپ ءتۇسىندىردى الماتى قالاسى جاستار ساياساتى باسقارماسىنىڭ باسشىسى.
بوس جەر ۋچاسكەلەرىنىڭ جەتىسپەۋشىلىگىن ەسكەرە وتىرىپ، الماتى ءۇشىن قولدا بار وبەكتىلەردى جاتاقحاناعا قايتا جاڭارتۋ ماسەلەسى وزەكتى بولىپ وتىر. بۇگىندە قايتا قۇرۋ كەزىندە مەملەكەت 8 جىل ىشىندە ءبىر توسەك- ورىنعا جىل سايىن 92 ا ە ك شامامەن 317 مىڭ تەڭگە بولەدى. ۇكىمەت جالپى سۋبسيديالاۋدى 184 ا ە ك-كە دەيىن ۇلعايتۋ تۋرالى ۇسىنىستى قولدادى. بۇل قادام ماسەلەنى شەشۋدى تەزدەتەدى.
ەستەرىڭىزگە سالا كەتەيىك، احۋالدىق ورتالىقتار ستۋدەنتتەردى ج و و-نىڭ جاتاقحانالارىنداعى ورىندار تۋرالى حاباردار ەتەدى، داعدارىستىق ورتالىقتار توتەنشە جاعدايلاردا تۇرعىن ۇيمەن قامتاماسىز ەتەدى. احۋالدىق ورتالىقتىڭ بايلانىس نومىرلەرى 77002551443+، 77076660037+.
