مىسىردا ەكى پويىز سوقتىعىسىپ، 32 ادام قازا تاپتى

نۇر- سۇلتان. تاسس- قازاقپارات - جۇما كۇنى مىسىر ەلىنىڭ وڭتۇستىگىندە ەكى جولاۋشى پويىزىنىڭ سوقتىعىسۋى سالدارىنان 32 ادام قازا بولىپ، كەم دەگەندە 66 ادام زارداپ شەكتى، دەپ حابارلايدى قازاقپارات تاسس- قا سىلتەمە جاساپ.

قايعىلى وقيعا ەل استاناسى كاير قالاسىنان وڭتۇستىككە قاراي، سوقاگ پروۆينتسياسىندا بولعان. ءۇش ۆاگون اۋدارىلعان. ەلدىڭ دەنساۋلىق ساقتاۋ مينيسترلىگىنىڭ مالىمەتىنشە، وقيعا ورنىنا 36 جەدەل جاردەم كولىگى جىبەرىلدى، ولار زارداپ شەككەندەردى جاقىن ماڭداعى اۋرۋحانالارعا جەتكىزىپ جاتىر.

مىسىردىڭ باس پروكۋراتۋراسى اپاتتى تەرگەۋ امالدارىن باستادى، ال كولىك ءمينيسترى كامەل ءال- ۋازير - ەكى پويىزدىڭ ماشينيستەرىن قاماۋعا الۋدى بۇيىردى. تەرگەۋشىلەردەن ارنايى كوميسسيا قۇرىلىپ، ونىڭ جۇمىسىن ەلدىڭ پرەمەر- ءمينيسترى مۇستافا مادبۋلي جەكە باقىلاۋىنا الدى. اپات سالدارىنان ەلدىڭ وڭتۇستىك باعىتقا قاتىنايتىن پويىزدار قوزعالىسى تولىق توقتاتىلعان.

اۆتور: زارينا تۋعانبايەۆا