استانادا تۇرعىن ءۇيدىڭ 32-قاباتىنان سەكىرمەك بولعان كەلىنشەك پوليتسياعا جەتكىزىلدى
نۇر-سۇلتان قالاسى پوليتسيا دەپارتامەنتىنىڭ رەسمي وكىلى سوفيا قىلىشبەكوۆانىڭ مالىمدەۋىنشە، دوستىق كوشەسىنىڭ بويىنداعى «سولتۇستىك شۇعىلاسى» تۇرعىن ۇيىنە كەلگەن پوليتسيا جاساعى كەلىنشەك پەن ونىڭ كۇيەۋىن ەسىل اۋداندىق پوليتسيا باسقارماسىنا ءمان-جايدى انىقتاۋ ءۇشىن جەتكىزگەن.
«تەكسەرۋ بارىسىندا كەلىنشەك كۇيەۋىمەن ۇرسىسىپ قالعان سوڭ كوپقاباتتى ۇيدەن، بيىكتەن تومەنگە سەكىرەمىن دەپ كۇيەۋىن تەك قانا قورقىتپاق بولعانى بەلگىلى بولدى. الايدا ول سەكىرگىسى كەلمەگەن. ەرلى-زايىپتىلارعا قاتىستى قوعامدىق ءتارتىپتى جانە ازاماتتاردىڭ تىنىشتىعىن بۇزعانى ءۇشىن اكىمشىلىك ءوندىرىس قوزعالدى. مەديتسينالىق ساراپتاماعا سايكەس ەرلى-زايىپتىلار ىشىمدىككە ماس بولعان»، - دەدى رەسمي وكىل.
ەسكە سالا كەتسەك، الەۋمەتتىك جەلىدە كەلىنشەك اتالمىش تۇرعىن ءۇيدىڭ 32-قاباتىنان سەكىرمەك بولعان.