قىتاي جاعالاۋىندا تانكەر مەن كەمە قاقتىعىسىپ 32 ادام جوعالدى
مينيسترلىك مالىمەتىنشە، 6- قاڭتار كۇنى كەشكە مۇناي تانكەرى ورتەنگەن كەزدە ونىڭ ەكيپاجىنان 32 ادام جوعالىپ كەتكەن. ونىڭ ىشىندە 30 ادامنىڭ يران ازاماتى ەكەنى، ەكى ادامنىڭ بانگلادەش ازاماتى ەكەنى ايتىلادى. 136 مىڭ توننا جۇك ارتىپ كەلە جاتقان تانكەردەن مۇناي ونىمدەرى تەڭىزگە توگىلىپ، سوڭى ورتكە ۇلاسقان.
ال ەكىنشى جۇك كەمەسىندەگى قىتايدىڭ 21 ازاماتى قۇتقارىلعان. پاناما تۋىن تاققان Sanchi مۇناي تانكەرىن يران كومپانياسى پايدالانىپ كەلگەن. تانكەر وڭتۇستىك كورەياعا بەت العان بولاتىن. ال ەكىنشى گونكونگ تۋىن تاققان جۇك كەمەسى 64 مىڭ توننا استىق تاسىپ بارا جاتقان. وقيعا شاڭحايدان شىعىسقا قاراي شامامەن 160 ميل جەردە بولعان.
قىتايدىڭ مەملەكەتتىك Xinhua جاڭالىقتار اگەنتتىگىنىڭ حابارلاۋىنشا، سەگىز قىتاي كەمەسى ىزدەۋ وپەراتسياسىنا جۇمىلدىرىلعان. اگەنتتىك وڭتۇستىك كورەيانىڭ دا ۇشاق پەن جاعالاۋ كۇزەتى كەمەسىن وسى وپەراتسياعا اتتاندىرعانىن حابارلاعان.
«ازاتتىق»
