ەكسپورتقا باعدارلانعان 32 كاسىپورىن مەملەكەتتىك قولداۋعا يە بولادى - «بايتەرەك» ۇ ب ح
ۇل تۋرالى ق ر ۇكىمەتى باسشىسىنىڭ رەسمي پورتالى حابارلادى.
«بەرىلگەن 300 ءوتىنىمنىڭ ىشىنەن 32 كومپانيا ىرىكتەلىپ الىندى، ولاردىڭ 20 سى - ا و ك سالاسى، 7 ءۋى - ماشينا جاساۋ جانە 5 ءى - قۇرىلىس ماتەريالدارى ءوندىرىسى سالاسىنان»، - دەدى ق. بيشىمبايەۆ.
باسقارما باسشىسىنىڭ ايتۋىنشا، «McKinsey&Company» كومپانيالاردى ىرىكتەۋدى حالىقارالىق كونسالتينگى كومپانياسى جۇزەگە اسىرعان. باعدارلاماعا قاتىسۋ ءۇشىن ءوسىم الەۋەتى ورتاشا جانە جىلىنا اينالىمى 2-30 ميلليارد تەڭگەنى قۇرايتىن «ورتا بيزنەس» ساناتىنداعى كاسىپورىندار ىرىكتەلدى. سونىمەن قاتار كومپانيالاردىڭ ەكسپورتتىق تاجىريبەسى مەن باسەكەگە قابىلەتتىلىگى دە ەسكەرىلدى.
ق. بيشىمبايەۆ اتاپ وتكەندەي، ىرىكتەلگەن 32 كومپانيا جىلىنا جيىنى 340 ميلليارد تەڭگەگە تارتا ءونىم وندىرەدى جانە ونىڭ 45 ميلليارد تەڭگەگە جۋىعىن قازاقستاننان تىس جەرلەرگە ەكسپورتتايدى جانە 23 مىڭ ادامدى جۇمىسپەن قامتاماسىز ەتەدى.
«ءبىز قازىر بارلىق باستامالاردى الدىن الا-الا باعالادىق: 32 كومپانيا تاياۋداعى 3 جىلدىڭ ىشىندە شامامەن 120 ميلليارد تەڭگەنىڭ الەۋەتتى جوبالارىن ۇسىنادى. ەگەر بولەتىن بولساق، ءبىر جوباعا ورتاشا ەسەپپەن 3-4 ميلليارد تەڭگەدەن كەلەدى»، - دەپ اتاپ كورسەتتى ول.
«باسەكەگە قابىلەتتى كوشباسشىلار - ۇلتتىق چەمپيوندار» باعدارلاماسى اۋقىمىندا كومپانيالارعسا ەڭبەك ونىمدىلىگىن جىلىنا 10 پايىزعا ۇلعايتۋعا جانە ەكسپورتتىق الەۋەتىن قازىرگى دەڭگەيدەن 30 پايىزعا دەيىن ورىستەتۋگە قولداۋ كورسەتىلەدى. جوباعا قاتىسۋشىلار «بايتەرەك» حولدينگىسى كومپانيالار توبىنىڭ قۇرالدارىن پايدالانۋدى كوزدەيتىن قارجىلىق قولداۋ قولجەتىمدى بولماق، اتاپ ايتقاندا، بۇلار: بانكارالىق نەسيەلەۋ، ليزينگىلىك مامىلەلەردى قارجىلاندىرۋ، پايىزدىق مولشەرلەمەلەردى سۋبسيديالاۋ، نەسيەلەردى كەپىلدەندىرۋ، ەكسپورتتىق ساقتاندىرۋ، يننوۆاتسيالارعا گرانتتار.
سونىمەن بىرگە ىرىكتەلگەن «McKinsey&Company» كومپانياسىنىڭ ىنتىماقتاستىعىمەن كونسالتينگىلىك سۇيەمەلدەۋگە يەك ارتا الاتىن بولادى. «باسەكەگە قابىلەتتى كوشباسشىلار - ۇلتتىق چەمپيوندار» باعدارلاماسىنىڭ ماقساتى - قازاقستاندا ايماقتىق جانە الەمدىك اۋقىمداعى كومپانيالار قۇرۋ جولىمەن باسەكەگە قابىلەتتى ەكسپورتقا باعدارلانعان شيكىزاتتىق ەمەس وندىرىستەردى قۇرۋ بولماق.
