اتىراۋ مۇنايشىلارى 3265 مەتر تەرەڭدىكتەن مۇناي گوريزونتىن تاپتى
كاسىپورىننىڭ قوعاممەن بايلانىس قىزمەتىنىڭ حابارلاۋىنشا، رەسۋرستىق بازانى ۇلعايتۋ جۇمىستارى جالعاستىرىلىپ جاتىر. سونىڭ ناتيجەسىندە س. نۇرجانوۆ كەن ورنىنىڭ سولتۇستىك- باتىس بولىگىندە گەولوگيالىق بارلاۋ جۇمىستارىن جۇرگىزۋ بارىسىندا تابىستى ناتيجەلەرگە قول جەتكىزىلگەن.
«بايىرعى كەن ورىندارىن يگەرەتىن كومپانيانىڭ باسىم مىندەتتەرىنىڭ ءبىرى - رەسۋرستىق بازانى ۇلعايتۋ. وسى باعىتتاعى جۇيەلى جۇمىستاردىڭ ناتيجەسىندە س. نۇرجانوۆ كەن ورنىنداعى بۇرعىلانباعان بولىگىنىڭ ترياس شوگىندىلەرىندە 3252-3265 مەتر تەرەڭدىكتە جاڭا ءونىمدى گوريزونت انىقتالدى. ن س ۆ-11 باعالاۋ ۇڭعىماسىن بۇرعىلاۋ قورىتىندىسىمەن 9 م م شتۋتسەردە تاۋلىگىنە 165 تەكشە مەتر دەبيتپەن سۋسىز مۇناي بۇرقاعى الىندى. مۇنداعى مۇنايدىڭ ۇلەس سالماعى - 0,836 گ/س م3، ال، گاز فاكتورى - 105 م3/م3. قازىرگى ۋاقىتتا مۇندا ۇڭعىما جۇمىسىنىڭ وڭتايلى رەجيمىن انىقتاۋ ماقساتىندا كاسىپشىلىك-گەولوگيالىق جانە گيدروديناميكالىق زەرتتەۋلەر كەشەنىن جۇرگىزۋ ارقىلى سىناق جالعاسۋدا»، - دەيدى «ەمبى مۇناي گاز» ا ق باسقارما ءتوراعاسى ەسەن قايىرجان.
بىلتىر ق ر پايدالى قازبالار كورلارى جونىندەگى مەملەكەتتىك كوميسسياسى قولدانىستاعى س. نۇرجانوۆ، كەنباي (شىعىس مولدابەك ۋچاسكەسى)، دوسمۇحامبەتوۆ، بوتاحان جانە قايتا اشىلعان باتىس قاراسور كەن ورىندارىندا 14,8 ميلليون توننا كولەمىندەگى قوردى بالانسقا الىپ، بەكىتكەن ەدى. سونىڭ ناتيجەسىندە «ەمبى مۇناي گاز» ا ق كەن ورىندارىنداعى مۇنايدىڭ الىناتىن قورى 86,2 ميلليون توننانى قۇراعان.
