08:23, 20 - مامىر 2016 | GMT +5
ب ا ق: 320ا ۇشاعىنىڭ اۋەسەرىگى باتىپ بارا جاتقان ۇشاقتىڭ قاسىندا «تۇسىرىلگەن» سۋرەتتەردى جاريالاعان
استانا. قازاقپارات - Egyptair اۆياكومپانياسىنىڭ اۋەسەرىكتەرىنىڭ ءبىرى - سامار ەزەددين اپاتتان بىرنەشە اي بۇرىن باتىپ بارا جاتقان ۇشاقتىڭ قاسىندا تۇسكەن سۋرەتىن Facebook تە جاريالاعان.
Al-Masry Al-Youm اقپاراتتىق پورتالىنىڭ جاريالاۋىنشا، سۋرەتتە بويجەتكەن ءۇستى سۋ-سۋ بولىپ، مۇحيتتان قۇرلىققا اياق باسىپ تۇرعان ءساتى تۇسىرىلگەن. ال ارتقى جاعىندا ۇشاق باتىپ بارا جاتقان ءسات بەينەلەنگەن. بۇل، ارينە، مونتاجدالىپ، قۇراستىرىلعان سۋرەت ەدى.
تانىستارى بۇل فوتومونتاج ىرىمعا جامان ەكەنىن، سولايشا ول ءوزىنىڭ جانە بورتتاستارىنىڭ باسىنا قاتەر ۇيىرگەنىن ايتادى.
ەسكە سالا كەتەيىك، بۇل وسىنداي ءبىرىنشى ميستيكالىق كەزدەيسوقتىق ەمەس. بۇعان دەيىن الەۋمەتتىك جەلى پايدالانۋشىلارى MS804 رەيسىنىڭ اپاتقا ۇشىراۋى مالايزيالىق بوينگتىڭ قۇلاۋىنان 804 كۇن وتكەننەن كەيىن بولعانىن ەسەپتەپ شىققان.
