ءۇندىستان ءبىر زىمىرانمەن 31 جەر سەرىگىن ۇشىردى

استانا. قازاقپارات- ءۇندىستاننىڭ عارىشتى زەرتتەۋلەر ۇيىمى ءبىر زىمىرانمەن 31 جەر سەرىگىن ءساتتى ۇشىردى. تاريحي وقيعا ەلدىڭ اندحرا- پرادەش شتاتىنداعى عارىش ايلاعىندا جۇزەگە استى.

رەسمي وكىلدەردىڭ ايتۋىنشا، وربيتاعا اتتاندىرىلعان جەر سەرىكتەرىنىڭ ۇشەۋى وسى ەلدە شىعارىلعان. ولاردىڭ اراسىندا ءبىر 5 كەلىلىك نانوسپۋتنيك پەن تاعى ءبىر 100 كەلىلىك شاعىن جەرسەرىگى بار. قالعان اپپاراتتار كانادا، فينليانديا، وڭتۇستىك كورەيا،  ۇلى بريتانيا جانە ا ق ش ەلدەرىنە تيەسىلى.

 ايتا كەتەيىك، وسى ۇيىم وتكەن جىلى تامىز ايىندا ءبىر زىمىران ۇشىرىپ، سوڭى ءساتسىز اياقتالعان ەدى. وندا جىلۋ اعىزعىش بولشەك دەر كەزىندە بولىنبەي، زىمىران اپاتقا ۇشىرادى.

www.24.kz