ەندى «31-ارنانىڭ» شەكاراسى قىتاي ەلىنە دەيىن كەڭەيە تۇسپەك
ياعني، شىنجاڭ ولكەسىندەگى 2 ميلليونعا جۋىق قازاق جاقىن كۇندەرى تاريحي وتانىنداعى جاڭالىقتاردان قۇلاعدار بولىپ وتىرادى.
ەندى ارعى بەتتەگى كورەرمەن «ينفورمبيۋرونى» عالامتوردان ىزدەپ اۋرەگە تۇسپەيدى. قازاق ءتىلىنىڭ كوكجيەگىن كەڭەيتىپ، جارنامادان تۇسەتىن تابىستىڭ دا كولەمىن ۇلعايتۋ ءۇشىن «31 -ارنا» بۇل ماسەلەنى كۇن تارتىبىنە شىعارىپ وتىر.
ينتەرنەتتەگى جارناما تەلەجارناماعا قاراعاندا ءتيىمدى دەگەن دايەكسىز ءسوز سوڭعى ۋاقىتتا ءجيى ايتىلىپ ءجۇر. عالامتوردا تاۋار وتىمدىرەك دەۋ دە نەگىزسىز. ويتكەنى بۇگىن قازاقستاننىڭ 96 پايىزى تەلەديدار تاماشالايتىنىن، كۇن سايىن حالىقتىڭ 63 پايىزى ونىڭ الدىندا ۋاقىت وتكىزەتىنىن بىرەۋ بىلسە، بىرەۋ بىلمەيدى. ال بۇل «TNS Central Asia» كومپانياسى ۇسىنىپ وتىرعان جاريا ستاتيستيكا.
قۋات دومباي، PR مامانى:
- ينتەرنەتتىڭ ۇلەسى ءوسىپ جاتىر، ءبىراق تەلەۆيزيانىڭ 60 پايىزىنا قاراعاندا ينتەرنەتتىڭ 3 تەن 6 پايىزعا دەيىن وسكەنى ول ۇلكەن وزگەرىس دەپ ايتۋعا بولمايدى.
تەلەجارناما اۋقىمىن ءبىر دە ءبىر اقپارات قۇرالى باسىپ وزا المايدى - دەيدى ماماندار. سەبەبى ونى وتباسى مۇشەلەرىنىڭ بارلىعى بىردەي كورەدى. بۇگىندە كومپانيالار جارناماعا جۇمسايتىن بيۋدجەتىنىڭ 60 پايىزىن ءدال وسى تەلەۆيزيالىق جارناماعا ءبولىپ گرافيكا وتىرعانىنىڭ بىردەن ءبىر سەبەبى دە وسى. ال باسپا ءسوز، راديو، ينتەرنەت پەن سىرتقى جارناما اتالمىش بيۋدجەتتىڭ قالعان 40 پايىزىن عانا ءوزارا ءبولىسىپ ەنشىلەپ وتىر.
تيمۋر سابيتوۆ، قازاقستاندىق ماركەتينگ، جارناما جانە PR فەدەراتسياسىنىڭ پرەزيدەنتى:
- تەلەۆيزيا كومەگىمەن تۇتىنۋشىلاردىڭ ۇلكەن اۋديتورياسىن قامتۋ جەڭىل. سەبەبى نەندەي ءبىر زات ساتىپ الاتىن تۇرعىندارىمىزدىڭ باسىم كوپشىلىگى تەلەديدار كورۋدى ۇناتادى. كەڭ قولدانىستاعى تاۋارلاردى ارنالارعا جارناما بەرىپ، تانىمال ەتۋ - ەڭ ءتيىمدى ءتاسىل. سوندىقتان ينتەرنەت، باسپا ءسوز بەن سىرتقى جارناما تەلەجارناماعا باسەكەلەس بولا المايدى.
ماماندار سوڭعى جىلدارى باسپا سوزگە جارناما بەرۋشىلەر قاتارى ازايىپ بارا جاتقانىن دا ءسوز ەتتى. ەسەسىنە بۇل قاراجات ينتەرنەتكە قاراي وتۋدە - دەيدى ولار. الايدا عالامتور جاستار اراسىندا كەڭ تانىمال بولعانىمەن، وندا بەرىلەتىن جارناما ۇلكەن اۋديتوريانى قامتىمايدى - دەپ تۇيىندەيدى ولار.
