13:36, 02 - قازان 2016 | GMT +5
قىتايداعى سۋ باسقان گ ە س- تەن 31 جۇمىسشى كوشىرىلدى
استانا. قازاقپارات - 2 قازانعا قاراعان ءتۇنى قاتتى جاۋعان جاڭبىردان جينحۋن (وڭتۇستىك باتىس يۋننان پروۆينتسياسى، قىتاي) قالاسىنىڭ گيدروەلەكتروستانسياسىن سۋ باستى.
بيلىك كاسىپورىننىڭ 31 قىزمەتكەرىن قاۋىپسىز جەرگە كوشىرىپ الدى.
ت ا س س اگەنتتىگىنىڭ حابارلاۋىنشا، 1 -قازان كۇنى كەشكە وزەندەگى سۋ دەڭگەيى كوتەرىلە باستاعان. سۋ اعىنى گ ە س-تى قورشاعان دۋالدى شايىپ كەتىپ، عيماراتتىڭ ءبىر بولىگىن (ماشينا زالى) سۋ باستى. كوشىرۋ كەزىندە گەس قىزمەتكەرلەرى زارداپ شەككەن جوق.
قازىرگى ۋاقىتتا ەل بيلىگى كورشىلەس اۋداندارعا ەلەكتر ەنەرگياسىن ۇزدىكسىز بەرۋ ءۇشىن جەدەل شارالاردى جاسادى.
