12:24, 30 - مامىر 2016 | GMT +5
جوعارى ەۋرازيالىق ەكونوميكالىق كەڭەستىڭ وتىرىسى 31 -مامىردا استانادا وتەدى
استانا. قازاقپارات - اقوردانىڭ باسپا ءسوز قىزمەتى مەملەكەت باسشىسى نۇرسۇلتان نازاربايەۆتىڭ قاتىسۋىمەن وتەتىن الداعى ءىس-شارالار اڭداتپاسىن جاريالادى.
31 -مامىر كۇنى استانادا جوعارى ەۋرازيالىق ەكونوميكالىق كەڭەستىڭ وتىرىسى وتەدى. ونىڭ جۇمىسىنا قازاقستان رەسپۋبليكاسى پرەزيدەنتى نۇرسۇلتان نازاربايەۆ، ارمەنيا پرەزيدەنتى سەرج سارگسيان، بەلارۋس پرەزيدەنتى الەكساندر لۋكاشەنكو، قىرعىز رەسپۋبليكاسىنىڭ پرەزيدەنتى المازبەك اتامبايەۆ جانە رەسەي فەدەراتسياسى پرەزيدەنتى ۆلاديمير پۋتين قاتىسادى دەپ جوسپارلانىپ وتىر.
جيىن بارىسىندا ەۋرازيالىق ەكونوميكالىق وداقتىڭ جۇمىسىنىڭ قازىرگى ماسەلەلەرىن قاراستىرىپ، ونىڭ ءبىرقاتار مەملەكەتتەرمەن ساۋدا سالاسىنداعى ءوزارا ىقپالداستىعىنىڭ دامۋىنا قاتىستى ماسەلەلەردى تالقىلاۋ كوزدەلۋدە.
