09:02, 30 - قىركۇيەك 2015 | GMT +5
شىعىس قازاقستاندا ءىز-ءتۇزسىز جوعالعان ەر ادام 31 جىلدان سوڭ قايتىس بولعان دەپ تانىلدى
استانا. قازاقپارات - شىعىس قازاقستان وبلىسى ريددەر قالالىق سوتى ايەلىنىڭ ارىزى بويىنشا ءىز-ءتۇزسىز جوعالعان ەر ادامدى قازا تاپتى دەپ تانىدى، دەپ حابارلادى YK-news.kz.
ايەل سۋدياعا 1982 -جىلدان نەكە قيعانىن ايتتى. ەكى جىلدان كەيىن كۇيەۋى ۇيىنەن كەتىپ، قايتا ورالمادى. سودان بەرى ونىڭ ءومىرى بەلگىسىز. ىزدەۋ جۇمىستارى ناتيجە بەرمەدى. ريددەرلىك شەتەلدە تۇرۋ ءۇشىن سوتتان كۇيەۋىن قازا تاپتى دەپ تانۋدى سۇرادى.
«سوت وتىرىسىندا ارىزدانۋشى كۇيەۋىن بەلسەندى تۇردە ىزدەگەنىن ايتتى. ول ميليتسياعا حابارلادى، ءوزى ىزدەدى، گازەتكە حابارلاندىرۋ ورنالاستىردى، الايدا بۇل ناتيجەسىز بولدى، - دەدى ريددەر قالالىق سوتىنىڭ باسپا ءسوز قىزمەتىنەن. - كۇيەۋى جوعالعاننان 30 جىل ءوتتى، ول تۋرالى ەش حابار جوق».
سوت ازاماتشانىڭ ارىزىن ماقۇلدادى.
