13:21, 13 - مامىر 2016 | GMT +5
بيىلعى جىلى 31700 ءبىلىم گرانتى بولىنەدى
استانا. قازاقپارات - 2016 -جىلى 31700 ءبىلىم گرانتى بولىنەدى. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر ب ع م ج و و جانە ج و و- دان كەيىنگى ءبىلىم بەرۋ دەپارتامەنتىنىڭ ديرەكتورى سەرىك ومىربايەۆ ءمالىم ەتتى.
«بيىل ەش وزگەرىس جوق، مەملەكەتتىك تاپسىرىس سانى بىلتىرعى دەڭگەيمەن بىردەي، ياعني جالپى گرانتتاردىڭ سانى 31700. قازىرگى ۋاقىتتا ماماندىقتار بويىنشا گرانتتار ۇلەستىرىلگەن جوق. سەبەبى ول ۇكىمەت قاۋلىسىمەن بەكىتىلەدى. بۇگىندە مەملەكەتتىك تاپسىرىس كولەمىنە قاتىستى قاۋلى جوباسى قاراۋدا جاتىر. گرانتتاردى ماماندىقتارعا ۇلەستىرۋ جاعى بەلگىلى بولعاندا، بىردەن جاريالايتىن بولامىز»، - دەيدى ول.
اعىمداعى جىلى مەكتەپ بىتىرۋشىلەر سانى 121 مىڭ 920 بالا، ونىڭ ىشىندە 83330 قازاق تىلىندە وقىعاندار، 37762 ورىس تىلىندە وقىعاندار. ۇ ب ت- عا 86 مىڭ 991 تۇلەك قاتىسادى. ولاردىڭ ىشىندە 63021 قازاق تىلىندە، 23970 ورىس تىلىندە وقىعاندار. ۇ ب ت فورماتى 2016 -جىلى وزگەرىسسىز قالادى. ول 2 جانە 15 - ماۋسىم ارالىعىندا وتەدى.
اۆتور: جاسۇلان جولدىبايەۆ
