جاڭبىر، شاڭدى داۋىل، بۇرشاق - 30- تامىزدا ەلىمىزدە كۇن رايى قالاي بولادى؟
ق ر باسىم بولىگىندە اتموسفەرالىق فرونتالدى بولىمدەردىڭ وتۋىنە بايلانىستى اۋا-رايىنىڭ تۇراقسىز سيپاتى ساقتالادى، جاڭبىر جاۋادى، سولتۇستىك-باتىستا، سولتۇستىكتە، وڭتۇستىكتە نايزاعاي، ەكپىندى جەل، قاتتى جاڭبىر كۇتىلەدى، بۇرشاق جاۋۋى مۇمكىن. ەلدىڭ وڭتۇستىك-باتىسىندا - شاڭدى داۋىل. ق ر سولتۇستىك-باتىسىندا، سولتۇستىگىندە، وڭتۇستىك-شىعىسىندا تۇمان كۇتىلەدى.
جامبىل، قىزىلوردا وبلىستارىندا، اتىراۋ وبلىسىنىڭ باتىسىندا، شىعىسىندا، الماتى وبلىسىنىڭ سولتۇستىك جارتىسىندا، اقتوبە وبلىسىنىڭ باتىسىندا، وڭتۇستىگىندە توتەنشە ءورت قاۋپى كۇتىلۋدە.
باتىس قازاقستان وبلىسىنىڭ سولتۇستىگىندە، ورتالىعىندا جوعارى ءورت قاۋپى، وبلىستىڭ وڭتۇستىك-باتىسىندا، سولتۇستىك-باتىسىندا، شىعىسىندا توتەنشە ءورت قاۋپى ساقتالادى.
پاۆلودار، قاراعاندى، قوستاناي وبلىستارىندا، ۇلىتاۋ وبلىسىنىڭ وڭتۇستىگىندە، اباي وبلىسىنىڭ باتىسىندا، سولتۇستىگىندە جوعارى ءورت قاۋپى ساقتالادى.
