سومالي 30 جىلدا العاش رەت جاڭا اقشا شىعارادى
سومالي 1991 -جىلى ۇكىمەت قۇلاپ، ەلدە ازاماتتىق سوعىس باستالعاننان كەيىن جاڭا بانكنوت باسىپ شىعارماعان. بۇرىن اينالىمدا بولعان بانكنوتتاردىڭ كوبى جوعالىپ نەمەسە تىم توزىپ كەتتى. ولاردى ءبولىنىپ قالعان وڭىرلەردەن دالالىق كومانديرلەر مەن كاسىپكەرلەر باسىپ شىعارىپ جانە جەتكىزىپ وتىرعان اقش دوللارى مەن جالعان بانكنوتتار الماستىردى. 2017 -جىلى حالىقارالىق ۆاليۋتا قورى ەكونوميكادا اينالىمدا جۇرگەن جەرگىلىكتى ۆاليۋتانىڭ % 98- ى جالعان ەكەنىن انىقتادى.
«سومالي ەكونوميكاسى كەيىنگى 30 جىلدان اسا ۋاقىت بويى دوللارمەن جۇمىس ىستەدى. ءبىز قايتادان سوماليلىك شيللينگتى ەنگىزبەيىنشە، ەلدە قارجى- نەسيە ساياساتىن جۇرگىزۋ وڭاي بولمايدى»، - دەدى ورتالىق بانك باسشىسى ابديراحمان موحامەد ابدۋللاحي.
ول ۆاليۋتانىڭ قاشان قايتا باسىلاتىنىن ناقتى ايتپاعانىمەن، ونىڭ ورىنباسارى الي ياسين ۆاردحەرە قاڭتاردا بانك ونى كەلەسى جىلعا جوسپارلاپ وتىرعانىن مالىمدەگەن بولاتىن.
ورتالىق بانك 2017 -جىلى حۆق- مەن بىرلەسىپ قۇندى اقشانى شىعارۋ جوسپارىمەن جۇمىس ىستەدى، وعان دۇنيەجۇزىلىك بانك تە قوسىلدى.
سومالي ورتالىق بانكىنىڭ باسشىسى كەيىنگى ەكى جىلدا COVID-19 قاتتى قۇرعاقشىلىق پەن رەسەي- ۋكراين جانجالى سالدارىنان سوققى العان ەكونوميكا 2023 –جىلى % 3,1- عا، كەلەسى جىلى ودان دا كوپ وسەدى دەگەن بولجام بار.
