ەرتەڭ 30-ساۋىردە كۇن تۇتىلادى

نۇر-سۇلتان. قازاقپارات - 2022 -جىلى العاش رەت 30-ساۋىردە كۇن تۇتىلادى.
None

بۇل تۋرالى ماسكەۋ پلانەتارياسى رەسمي سايتىندا جازىلعان، دەپ حابارلايدى قازاقپارات ءتىلشىسى. «2022 -جىلى العاش رەت 30-ساۋىردە كۇن تۇتىلادى. كۇننىڭ تۇتىلعانىن انتاركتيدادا، وڭتۇستىك امەريكادا، تىنىق مۇحيتىنىڭ وڭتۇستىك- شىعىسىنان كورۋگە بولادى» دەلىنگەن حابارلامادا.

الداعى استرونوميالىق وقيعانىڭ ەرەكشەلىگى – 30-ساۋىردەگى كۇننىڭ تۇتىلۋى 2022 -جىلى العاشقى تۇتىلۋ ءدالىزىن اشادى، ول 16-مامىرعا، اي تۇتىلعانعا دەيىن جالعاسادى.

بۇل كۇنى، 2022 -جىلدىڭ 16-مامىرىندا، اي تۇتىلادى. ول سولتۇستىك جانە وڭتۇستىك امەريكانىڭ كوپ بولىگىندە، سونداي- اق ءىشىنارا افريكا مەن ەۋروپادا كورىنەدى.

بۇل تابيعات قۇبىلىسى نۇر-سۇلتان ۋاقىتى بويىنشا 9:14-تە بولادى. 2022 -جىلدىڭ استرونوميالىق كۇنتىزبەسىندە تۇتىلۋدىڭ ەكى ءدالىزى بار: 2022 -جىلدىڭ 30-ساۋىرىنەن 16-مامىرىنا دەيىن جانە 2022 -جىلدىڭ 25-قازانىنان 8 -قاراشاسىنا دەيىن. بارلىعى 2022 -جىلى 4 رەت (2 رەت كۇن جانە 2 رەت اي) تۇتىلادى.

اۆتور: اقبوپە ءابدراسۋل


سوڭعى جاڭالىقتار