ەلباسى: 30 جىلدا ەلىمىز تۇتاس عاسىرعا تاتيتىن ۇلى جولدان ءوتتى
بۇل تۋرالى تاۋەلسىزدىكتىڭ 30 جىلدىعىنا ارنالعان سالتاناتتى ءىس-شارا بارىسىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.
«30 جىلدا ەلىمىز تۇتاس عاسىرعا تاتيتىن ۇلى جولدان ءوتتى. وسى تاريحي كەزەڭدەر ءبىز باعىندىرعان بەلەستەر تاۋەلسىزدىك ءداۋىرىنىڭ بەلگىلەرى بولادى. بارلىعى تۇيىندەلىپ كەلگەندە ەڭ باستى جەتىستىگىمىز - ءبىز قازاقستاندى الەم مويىنداعان مەملەكەت رەتىندە قالىپتاستىرىپ، ەڭسەلى ەلگە اينالدىردىق. بۇگىندە جاھان جۇرتشىلىعى قازاق جەرىن بەيبىت مەكەن، قازاق ەلىن مارتەبەلى مەملەكەت، سەنىمدى سەرىكتەس رەتىندە تانيدى. مۇنداي بەدەلگە تەك رۋحى مىقتى، جۇدىرىقتاي جۇمىلعان، بىرلىگى بەكەم حالىق قانا يە بولادى. ءبىر ءۇيدىڭ بالاسىنداي، ءبىر قولدىڭ سالاسىنداي ىنتىماعى جاراسقان جۇرتىمىزدىڭ ۇلكەن-كىشىسىنە سول ءۇشىن باسىمدى ءيىپ، العىسىمدى ايتامىن»، - دەدى ەلباسى.
ق ر تۇڭعىش پرەزيدەنتى ازاتتىق الۋدىڭ اۋىر جۇگىن بىرگە كوتەرىسكەن سەرىكتەستەرىنە دە ارنايى راحمەت ايتتى.
