پرەزيدەنتتىڭ قاتىسۋىمەن تاۋەلسىزدىكتىڭ 30 جىلدىعىنا ارنالعان سالتاناتتى ءىس- شارا باستالدى
سالتاناتتى ءىس- شاراعا ق ر تۇڭعىش پرەزيدەنتى - ەلباسى نۇرسۇلتان نازاربايەۆ، ۇكىمەت مۇشەلەرى، پارلامەنت دەپۋتاتتارى، مادەنيەت جانە قوعام، ونەر، مادەنيەت سپورت قايراتكەرلەرى، زيالى قاۋىم وكىلدەرى قاتىسىپ وتىر.
پرەزيدەنتتىڭ باسپاءسوز قىزمەتى @AkordaPress رەسمي اككاۋنتىندا وسى ءىس- شارادان تۆيت- ترانسلياتسيا جۇرگىزۋدە. سالتاناتتى جيىن بۇگىن ساعات 21:30-دە رەسپۋبليكالىق تەلەارنالاردان كورسەتىلمەك.
بيىل قازاقستان حالقى سان عاسىرلار بويى بابالار ارمانداعان ازاتتىقتى الىپ، اڭساعانىنا قول جەتكىزگەن تاۋەلسىزدىك كۇنىن 30- رەت قارسى الىپ وتىر. ەستە بولسا، 1991 -جىلى 16- جەلتوقساندا قازاقستان تاۋەلسىز ەل رەتىندەگى ءوزىنىڭ مۇلدە جاڭا تاريحىنا قادام باستى. سول كۇنى قازاقستان رەسپۋبليكاسىنىڭ پرەزيدەنتى ن. ءا. نازاربايەۆ «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋتسيالىق زاڭىنا قول قويدى. ال بۇل زاڭنىڭ جوعارعى كەڭەستە تالقىلانىپ، قابىلدانۋى دا سول كەزەڭ ءۇشىن ۇلكەن بەلەس ەدى.
تاۋەلسىزدىك كۇنى - 1991 -جىلعى جەلتوقساننىڭ 16-سىندا قازاقستان رەسپۋبليكاسىنىڭ پرەزيدەنتى ن. ءا. نازاربايەۆ قول قويعان «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى»، 2008 -جىلعى 25- ماۋسىمداعى جانە 2009 -جىلعى 22 -ساۋىردەگى زاڭدارمەن وزگەرتۋلەر ەنگىزىلگەن 2001 -جىلعى جەلتوقساننىڭ 13-ىندەگى «قازاقستان رەسپۋبليكاسىنداعى مەرەكەلەر تۋرالى» قازاقستان رەسپۋبليكاسى زاڭدارىنا سايكەس اتالىپ وتەدى.
اۆتور: مارلان جيەمباي
