ەرتەڭ تاۋەلسىزدىكتىڭ 30 جىلدىعىنا وراي استانادا وتشاشۋ بولادى

نۇر-سۇلتان. قازاقپارات - تاۋەلسىزدىك كۇنى قارساڭىندا ەلوردانىڭ 3 كورىكتى جەرىندە وتشاشۋ بولادى، دەپ حابارلايدى قازاقپارات ءتىلشىسى.

بۇل اقپاراتتى نۇر-سۇلتان قالاسى اكىمدىگىنىڭ باسپا ءسوز قىزمەتى راستادى.

«ق ر تاۋەلسىزدىك كۇنىن مەرەكەلەۋ اياسىندا 15 -جەلتوقساندا دەمەۋشىلەردىڭ قاراجاتى ەسەبىنەن مەرەكەلىك ساليۋت قويىلادى. وتشاشۋ كەشكى ساعات 21.00-دە 3 جەردە بولادى: 1. بوتانيكالىق باق؛ 2. اتىراۋ كوپىرىنەن سولتۇستىككە قاراي ەسىل وزەنىنىڭ سول جاعالاۋى؛ 3. اقبۇلاق وزەنىنىڭ سولتۇستىك جاعى (پۋشكين كوشەسى مەن ابىلاي حان داڭعىلىنىڭ قيىلىسى)»، - دەپ جازىلعان باسپا ءسوز قىزمەتى بەرگەن مالىمەتتە.

ايتا كەتەيىك، وسى اپتادا ەلوردانىڭ مادەنيەت مەكەمەلەرى تاۋەلسىزدىكتىڭ 30 جىلدىعىنا وراي 40-تان استام ءتۇرلى ءىس-شارا وتكىزەدى. ونەر ۇجىمدارىنان بولەك ەلوردا كىتاپحانالارى كورمەلەر مەن تاريح ساعاتتارىن، ونلاين- سۋرەتتەر بايقاۋىن، اقىندار سايىسىن وتكىزەدى. بارلىق جوسپارلانعان ءىس-شارالار سانيتارلىق نورمالار مەن كارانتين تالاپتارىن قاتاڭ ساقتاي وتىرىپ جۇرگىزىلەدى.

اۆتور: ەسىمجان ناقتىباي