ەلىمىزدە پاتەر توناۋ 30 پايىزعا تومەندەدى
بۇل جايىندا ق ر ءى ءى م كريمينالدىق پوليتسيا دەپارتامەنتى باستىعىنىڭ ورىنباسارى قانات نۇرماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.
«تولىقتاي العاندا، قابىلدانعان ءىس-شارالار سوڭعى 5 جىلدىڭ ىشىندە پاتەر ۇرلىعىنىڭ سانىن 67 پايىزعا تومەندەتۋگە مۇمكىندىك بەردى. سونىمەن قاتار وڭ ءۇردىس وسى جىلى دا بايقالىپ وتىر. بيىل 4 ايدىڭ ىشىندە ولاردىڭ سانى 30 پايىزعا قىسقاردى. بۇعان قوسا، مۇنداي قىلمىستاردى اشۋ 13 پايىزعا جاقساردى»، - دەدى ول ىشكى ىستەر مينيسترلىگىنىڭ باسپا ءسوز قىزمەتى الاڭىندا وتكەن برفينگ بارىسىندا.
سونىمەن قاتار ول ىشكى ىستەر مينيسترلىگى پاتەر ۇرلىعىنىڭ الدىن الۋعا باعىتتالعان رەسپۋبليكالىق ءىس-شارانى تۇراقتى تۇردە وتكىزەتىندىگىن ايتتى.
«كريمينوگەندىك احۋالعا الدىن الۋ ءىس-شارالارى وڭ ىقپالىن تيگىزىپ وتىر. ۇرلىققا قارسى ءىس- قيمىل جونىندەگى ۆەدومستۆولىق باعدارلامانى جۇزەگە اسىرۋ اياسىندا تۇرعىن ۇيلەردىڭ اۋلالارىنا 54 مىڭنان استام بەينەباقىلاۋ كامەراسى ورناتىلدى. سونىمەن قاتار تۇرعىنداردىڭ باستاماسىمەن 14 مىڭنان استام قۇرىلعى قويىلدى. بۇل جۇمىس جالعاسىپ جاتىر»، - دەدى قانات نۇرماعامبەتوۆ.
