تاۋەلسىزدىك العان 30 جىل ىشىندە ماڭعىستاۋ حالقىنىڭ سانى ەكى ەسە ءوستى
بۇل تۋرالى قازاقستان رەپۋبليكاسىنىڭ ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسى ماڭعىستاۋ وبلىسى بويىنشا دەپارتامەنتىنىڭ باسپا ءسوز قىزمەتى مالىمدەدى.
بۇگىندە ماڭعىستاۋ وبلىسىندا 724777 ادام تۇرادى. ونىڭ ىشىندە قالادا 290560 (%40,1) ادام، اۋىلدا 434217 (%59,9) ادام.
ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسى ماڭعىستاۋ وبلىسى بويىنشا دەپارتامەنت باسشىسى ريمما وتەشيەۆانىڭ ايتۋىنشا، 2020-جىلدىڭ 1- ساۋىرىمەن سالىستىرعاندا حالىق سانى 20302 ادامعا، ياعني %2,9 عا ءوستى.
«جىل باسىمەن سالىستىرعاندا حالىق سانى وبلىستىڭ بارلىق اۋداندارىندا وسكەنى بايقالادى. اقتاۋ قالاسى تۇرعىندارىنىڭ سانى 2605 ادامعا ارتتى. سونداي-اق ءومىرزاق سەلوسىندا 59، ءتۇپقاراعان اۋدانىندا 325، مۇنايلى اۋدانىندا 976، جاڭاوزەن قالاسىندا 758، بەينەۋ اۋدانىندا 279، ماڭعىستاۋ اۋدانىندا 153، قاراقيا اۋدانىندا - 51 ادامعا ءوستى»، - دەدى ريمما وتەشيەۆا.
بيىل قاڭتار مەن ناۋرىز ارالىعىندا دۇنيەگە كەلگەندەر سانى 5350 ادامدى قۇرادى. بۇل وتكەن جىلمەن سالىستىرعاندا 4856 ادامعا كوپ.
تۋۋدىڭ جالپى كوەففيتسيەنتى 1000 ادامعا 29,72 تۋىلعانداردى قۇرادى.
