ايتىلدى-ورىندالدى: دارىگەرلەردىڭ جالاقىسى 30 پايىز ءوستى
بەرىك ءۋالي پرەزيدەنت قاسىم-جومارت توقايەۆتىڭ جولداۋىنان ءۇزىندى كەلتىرىپ، سول مىندەتتىڭ بۇگىندە ىسكە اسقانىن دالەلدەيتىن اقپارات جاريالادى.
«دارىگەر ماماندىعىنماتەريالدىق تۇرعىدان دا نىعايتا ءتۇسۋ ماڭىزدى بولىپ وتىر. مۇنى ءبىز قازىرگى داعدارىس كەزىندە قولعا الىپ جاتىرمىز، ەندى ونى جۇيەلى تۇردە جۇزەگە اسرۋىمىز كەرەك. 2023 -جىلعا قاراي دارىگەرلەردىڭ جالاقىسى ەكونوميكاداعى ورتاشا جالاقىدان ەكى ەسە ارتىق بولادى»، - دەگەن بولاتىن پرەزيدەنت ءوز جولداۋىندا.
بەرىك ءۋالي جاريالاعان مالىمەتتە 2021 -جىلدىڭ 1-قاڭتارىنان باستاپ 247 مىڭ مەديتسينا قىزمەتكەرىنىڭ جالاقىسى وسكەنىن ايتىلعان.
ناقتىراق ايتقاندا، دارىگەرلەردىڭ جالاقىسى 246 مىڭ تەڭگەدەن 320 مىڭ تەڭگەگە، ورتا دەڭگەيدەگى قىزمەتكەرلەردىڭ جالاقىسى 145 مىڭ تەڭگەدەن 173 مىڭ تەڭگەگە دەيىن وسكەن. 2021-2023 -جىلدارى پرەزيدەنت جولداۋىنداعى تاپسىرمانى ىسكە اسىرۋ ءۇشىن بيۋدجەتتەن 1141,5 ميلليارد تەڭگە ءبولۋ قاراستىرىلىپ وتىر.
