ق ر تاۋەلسىزدىگىنىڭ 30 جىلدىعى: شۆەيتساريادا مەرەيتويلىق پوشتا ماركاسى شىقتى
ق ر سىرتقى ىستەر مينيسترلىگىنەن ءمالىم ەتكەندەي، پوشتا ماركالارى ەلشىلىكتىڭ كۇندەلىكتى حات-حابارلارىندا، سونداي-اق كادەسىي رەتىندە پايدالانىلادى. شۆەيتساريادا قازىرگى زامانعى سيفرلىق تەحنولوگيالار مەن ەلەكتروندى قىزمەتتەردىڭ جوعارى دامۋىنا قاراماستان، پوشتا-كوررەسپوندەنتسياسى قوعام ومىرىندە ماڭىزدى ورىن الادى.
كارانتين كەزەڭىندە شۆەيتساريادا ونلاين-ساۋدانىڭ ارتۋىنا بايلانىستى پوشتا قىزمەتتەرىن پايدالانۋ بىرنەشە ەسە ءوستى.
سىيلىقتار، تاۋارلارعا تاپسىرىس، حاتتار سالىنعان كونۆەرتتەر - بۇگىنگى كۇنى پوشتا قىزمەتى ارقىلى سالەمدەمەلەر مەن كونۆەرتتەردىڭ كوپتەگەن سانى ءوتىپ جاتىر.
«قازىرگى ۋاقىتتا ءبىز كۇن سايىن ميلليوننان استام سالەمدەمە وڭدەيمىز. بۇل Post تاريحىنداعى ابسوليۋتتى رەكورد»، - دەپ اتاپ ءوتتى Swiss Post باسپا ءسوز وكىلى جاكلين بيۋلمان.
جالپى العاندا، شۆەيتسارياداعى پوچتا جانە پوشتا ماركالارىنىڭ تاريحى ورتا عاسىرلاردان باستاۋ الادى جانە الەمنىڭ تۇكپىر-تۇكپىرىندەگى فيلاتەليستەردىڭ نازارى مەن قىزىعۋشىلىعىن تۋعىزۋدا.