الەمدەگى 30 جاسقا دەيىنگى ەڭ باي ءانشى كىم؟
ول ەكىنشى جىل قاتارىنان وسى اتاقتى جەڭىپ الىپ وتىر. بيىل ونىڭ بايلىعىنا 40 ميلليون فۋنت- ستەرلينگ قوسىلعان، دەپ حابارلايدى قازاقپارات Standard.co.uk جاڭالىقتارىنا سىلتەمە جاساپ.
الەمدىك حيت - Shape of You ءانى ورىنداۋشىسىنىڭ داۋلەتى 200 ميلليون فۋنت-ستەرلينگ دەپ باعالانىپ وتىر.
ونىڭ وتكەن جىلدىڭ تامىزىندا اياقتالعان Divide اتتى تۋرى وتە تابىستى بولدى. بريتان مۋزىكانتى جاستار اراسىنداعى ەڭ باي انشىلەر اراسىندا ۇزدىك بولعانىمەن، ناعىز داۋلەتتىلەر قاتارىنا قوسىلۋ ءۇشىن كوپ تەر توگۋى كەرەك.
«Sunday Times Rich List» رەيتينگىندە ەد شيران 10-ورىندا تۇر. ال سەر ەندريۋ للويد- ۋەببەر مەن سەر پول ماككارتني 800 ميلليون فۋنت-ستەرلينگپەن ءتىزىمنىڭ باسىنا جايعاسقان. وتكەن جىلى Pollstar ەد شيراننىڭ 260 حالىقارالىق شوۋى وعان 775,5 ميلليون دوللار تابىس اكەلگەنىن، ءسويتىپ جاڭادان رەكورد ورناتقانىن مالىمدەگەن ەدى.
ايتا كەتەيىك، ەد شيران مول داۋلەتىن ۇلكەن جاۋاپكەرشىلىكپەن، ساۋاتتى جۇمسايدى. ول قاراجاتتى ۇلى بريتانيا بويىنشا جىلجىمالى مۇلىككە ينۆەستيتسيا رەتىندە سالعان.
ال ەلگە تاياۋدا قونىس اۋدارعان رياننا Sunday Times رەيتينگى بويىنشا ۇلى بريتانياداعى ەڭ باي مۋزىكانت ايەل اتاندى.
