16:17, 01 - ءساۋىر 2020 | GMT +6
ق ر باس سانيتارلىق دارىگەرى: كوروناۆيرۋستان قايتىس بولعاندارمەن قوشتاسۋعا 30 مينۋت ۋاقىت بەرىلەدى
نۇر- سۇلتان. قازاقپارات - قازاقستاندا كوروناۆيرۋس ينفەكتسياسىنان قايتىس بولعانداردى جەرلەۋ الگوريتمى جاريالاندى، دەپ حابارلايدى قازاقپارات ءتىلشىسى.
بۇل تۋرالى ق ر باس سانيتارلىق دارىگەرى ايجان ەسماعامبەتوۆا جاڭا قاۋلىسىندا تاپسىرما بەردى. «الگوريتمگە سايكەس، ءمايىتتى تۋىستارىنا بەرۋگە بولمايدى. جاقىن تۋىستارعا عانا 3 مەتر قاشىقتىقتا قوشتاسۋعا 30 مينۋت ۋاقىت بەرىلەدى. جەرلەۋ راسىمىنە ءبىر عانا ءدىني قىزمەتكەر قاتىسادى»،- دەدى باس سانيتارلىق دارىگەر ورتالىق كوممۋنيكاتسيالار قىزمەتىندەگى بريفينگىدە.
ونىڭ ايتۋىنشا، جەرلەۋ ءراسىمى سانيتارلىق- ەپيدەميالىق قىزمەتتىڭ قىزمەتكەردىڭ باقىلاۋىمەن جانە جەرگىلىكتى اتقارۋشى ورگاننىڭ قاتىسۋىمەن وتەدى جانە ەپيدەمياعا قارسى بارلىق شارالار قاتاڭ ساقتالادى.