ازياداعى 30 عا دەيىنگى ەڭ تانىمال جاستار

 نۇر - سۇلتان -  Forbes باسىلىمى ازياداعى 30 جاسقا دەيىنگى تالانتتى جاستاردىڭ ءتىزىمىن جاريالادى. under 30 دەپ اتالاتىن تىزىمگە قازاقستاننان 4 تالانتتى جاس ەنگەنىن جازعان ەدىك.

نازارلارىڭىزعا اتالمىش تىزىمدەگى ونەر مەن بيزنەس سالاسىنداعى تالانتتى جاستاردى ۇسىنامىز. ابحيناۆ اگراۆال، 26 جاستا. ءۇندىستان. Anahad ۇيىمىنىڭ نەگىزىن قالاۋشى ابحيناۆ 2013 -جىلى بەركلي كوللەدجىن ءتامامداپ، ءۇندى فولكلورلىق مۋزىكاسىن جازىپ الۋ ءۇشىن Anahad مەملەكەتتىك ەمەس ۇيىمىن قۇرعان. ۇلتتىق اندەردى جازىپ الۋ ماقساتىندا ءۇندىستاندى ساياحاتتاعان ابحيناۆ جارىققا شىقپاعان بىرنەشە حالىق اندەرىن تاسپاعا تۇسىرەدى.

 شان تانۋ اناند جانە نانديني ۆارما، 26 جاستا. ءۇندىستان. ولار Airplane دەپ اتالاتىن ولەڭ ۇيىرمەسىنىڭ نەگىزىن قالاۋشىلار. نەگىزگى ماماندىعى زاڭگەر بولعان بۇل ەكى جاس ءۇندىستانداعى پوەزيانىڭ دامۋى ءۇشىن ەل ىشىندە 125 ولەڭ ۇيىرمەسىن اشقان.

 جورجيا برەنچ، 29 جاستا. اۋستراليا. -  Trichomia كومپانياسىنىڭ نەگىزىن قالاۋشىلاردىڭ ءبىرى. اتالعان كومپانيادا 500 دۇكەن بار بولىپ، ولار جىلىنا 1,2 تىريلليون دوللار تابىس اكەلەدى.

 ۆيكتوريا چوۋ، 29 جاستا. گونگكونگ. The Woods ارنايى كوكتەيل بارلار ءتىزىمىنىڭ يەسى.

 اناحيتا دوندي، 28 جاستا. ءۇندىستان. اناحيتا لوندونداعى Cordon Bleu Grand Diplome كۋرسىن بىتىرگەننەن كەيىن ءۇندىستانعا كەلىپ، اسپاز بولعان. قازىر ول ەلدەگى ەڭ تالانتتى جاس اسپاز جانە رەستوراتورلاردىڭ ءبىرى. نيۋ- دەليدەگى SodaBottleOpenerWala مەيرامحاناسى اكسيالارىنا يەلىك ەتەدى.

گاو لۋدي، 28 جاستا، ق ح ر. بۇل تالانتتى جاس سۋرەتشىنىڭ شىعارمالارى قىتايدىڭ ءىرى قالالارى -  بەيجىڭ، شانحاي تيانجىڭ مۇراجايلارىندا ساقتالادى.

 گو يجانتيان، 27جاستا، ق ح ر. لوندونداعى ءسان كوللەدجەرىنىڭ بىرىندە ءتالىم العان گو 2014 -جىلى Yirantan برەندىنىڭ نەگىزىن قالاعان. بۇگىندە ديزاينەر برەندى قىتايداعى 35 ريتەيلەرمەن بايلانىس ورناتقان.

حان حەن مين، 17 جاستا، وڭتۇستىك كورەيا. اكەسى نيگەريالىق، اناسى كورەيالىق بولعان مودەل كورەياداعى ەڭ سۇرانىسقا يە مودەلدەردىڭ بىرىنە اينالعان. حان حەن مين جاستىعىنا قاراماي كينو ونەرىنە دە ارالاسىپ، بىرنەشە فيلمدە ويناعان.

شوتا يتوگي، 26 جاستا، جاپونيا. 2018 -جىلى قاراشادا شوتا جاپونياداعى ەڭ تانىمال اسپازدار بايقاۋى RED U-35 جەڭىمپازى بولادى. قازىر ول Taka Ashiya رەستورانىنىڭ ەڭ تانىمال اسپازى.

جزيۋي سياو ۆەن، 29 جاستا، ق ح ر. قىتايداعى توپ- مودەل العاشقى كەلىسىم- شارتىن 21 جاسىندا IMG Models مودەلدىك اگەنتتىگىمەن جاساسقان. Mark Jacobs, Prada, Louis Vuitton, DKNY برەندتەرىنىڭ ءسان كورمەسىنىڭ قاتىسۋشىسى. سزيۋي Vogue, Elle سىندى باسىلىمداردىڭ باستى بەتىنە دە بىرنەشە رەت شىققان.

 كە كە، 26 جاستا، ق ح ر. نان ونىمدەرى بيزنەسىمەن اينالىسادى. قىتايدا پەچەنەلەر پىسىرەتىن Akoko برەندىنىڭ نەگىزىن قالاعان. برەندتىڭ 2018 -جىلعى بيۋدجەتى 7,7 ميلليون دوللارعا جەتتى.

سان حەن كيم، 24 جاستا، وڭتۇستىك كورەيا. جاس كاسىپكەر حانوي قالاسىندا ناۋبايحانا اشقان. ساننىڭ Bread Factory برەندى جەرگىلىكتى جاستاردى جۇمىسپەن قامتىعان.

 جۋمپەي كوماشيتا، 25 جاستا، جاپونيا. ول جاپونياداعى Lovegraph فوتوستۋدياسى نەگىزىن قالاۋشىلاردىڭ ءبىرى. قازىر ولاردىڭ برەندى 3 ميلليون دوللارعا باعالانعان.

پەرسي لاۋ، 29 جاستا، گونكونگ. ديزاينەر پەرسي لاۋ 2013 -جىلى گونكونگتا كوزىلدىرىك برەندىنىڭ نەگىزىن قالاعان. ونىڭ كوزىلدىرىكتەرى نيۋ- يورك، سيدنەي جانە بەيجىڭ سىندى الەمنىڭ ءىرى قالالارىندا ساتىلادى.

چا ۆون ليم، 29 جاستا، وڭتۇستىك كورەيا. GOPIZZA برەندىنىڭ نەگىزىن قالاۋشى. شاعىن فۋدتراكتان باستالعان جۇمىس قازىر ايىنا 500 مىڭ دوللار تابىس اكەلەتىن ۇلكەن بيزنەسكە اينالدى.

 ليۋ ۆا، 24 جاستا، ق ح ر. يەل ۋنيۆەرسيتەتىندە انتروپولوگيانى وقىپ ۇيرەنگەن. ليۋدىڭ شىعارمالارى ا ق ش، دانيا، قىتاي جانە فرانسياداعى كورمەلەرگە قويىلعان.

ساحيل نايك، 26جاستا، ءۇندىستان. گوادو تۋعان نايك ساۋلەت ونەرى ارقىلى ساياسات، ءومىر، قوعام فيلوسوفياسىن ءوز تۋىندىلارىندا كورسەتۋگە تىرىسادى. ونىڭ ەڭبەكتەرى نيۋ- يوركتە جانە لوندوندا قويىلعان.

داستان ومۋراليەۆ، 29 جاستا، قىرعىزستان. ونىڭ Ecoproduct Asia شىرىن وندىرەتىن كومپانياسى 2022 -جىلعا كەلىپ جەرگىلىكتى بازاردىڭ 50 پايىزىن جاۋلاپ الماقشى.

حا يۋن پاك، 27 جاستا، وڭتۇستىك كورەيا. انيماتسيا مەن يلليۋستراتسيانىڭ شەبەرى پاك Disney جانە FOX سىندى تانىمال ستۋديالارمەن بىرىگىپ جۇمىس ىستەيدى.

 شارمەن پو، 28 جاستا، سينگاپۋر. قوعامنىڭ شيەلەنىسكەن ماسەلەلەرىن ءوز تۋىندىسىندا كورسەتەتىن فوتوگرافتىڭ سۋرەتتەرى The New York Times-تا جاريالانعان.

ابحاي رانگان، 21 جاستا، ءۇندىستان. Goodymilk برەندىنىڭ يەسى ەلدەگى مىڭداعان وتباسىنى ازىق- تۇلىكپەن قامتاماسىز ەتىپ كەلەدى.

Massaget.kz