قازاقستان ەكسپورتتى 30 پايىزعا ارتتىردى
بۇگىن ۇكىمەت وتىرىسىندا 2018 -جىلعى قاڭتار- قىركۇيەكتەگى الەۋمەتتىك- ەكونوميكالىق كورسەتكىشتەر تۋرالى بايانداعان ۇلتتىق ەكونوميكا ءمينيسترى تيمۋر سۇلەيمەنوۆ ەكسپورت- يمپورتقا قاتىستى كورسەتكىشتەردى اتادى.
«الەمدىك تاۋار نارىقتارىنداعى قولايلى كونيۋنكتۋراعا بايلانىستى سىرتقى ساۋدا اينالىمى تۇراقتى ءوسۋ ترەندىن ساقتاپ وتىر. جىل باسىنان بەرگى 8 ايدىڭ ىشىندە ءوسىم 21,6 پايىزدى (59,8 ميلليارد ا ق ش دوللارىن) قۇرادى»، - دەدى ۇلتتىق ەكونوميكا ءمينيسترى.
تيمۋر سۇلەيمەنوۆتىڭ ايتۋىنشا، قازاقستاننىڭ ەكسپورتى 28,2 پايىزعا (39,1 ميلليارد ا ق ش دوللارىنا) وسكەن. بۇل، مۇناي ەكسپورتىنىڭ 5,4 پايىزعا، اگروونەركاسىپ كەشەنى ونىمدەرىنىڭ - 30,1 پايىزعا، مۇناي- گازدىڭ - 30,2 پايىزعا، اليۋمينييدىڭ - 24 پايىزعا جانە مىس كەندەرى ەكسپورتىنىڭ 12,5 پايىزعا ارتۋىنان بولىپ وتىر.
«يمپورت 10,8 پايىزعا (20,8 ميلليارد ا ق ش دوللارىنا) ءوستى. ءوسىم نەگىزىنەن يمپورتتالاتىن ينۆەستيتسيالىق تاۋارلار (ماشينا جانە جابدىقتار) ەسەبىنەن بولىپ وتىر. ولاردىڭ ءوسىمى 20,4 پايىزدى قۇرادى. سونداي- اق، قارا مەتالل مەن فارماتسيەۆتيكا ونىمدەرىنىڭ يمپورتى تيىسىنشە 15,8 جانە 13,6 پايىزعا ارتتى»، - دەدى ۆەدومستۆو باسشىسى.
بۇعان دەيىن حابارلاعانىمىزداي، قازاقستاندا ەكسپورتتالاتىن تاۋارلار باعاسى 2018 -جىلدىڭ تامىزىندا ونىڭ الدىنداعى ايمەن سالىستىرعاندا - 3,5 پايىزعا، 2017 -جىلدىڭ جەلتوقسانىنا قاراعاندا 13,3 پايىزعا ارتتى.
اۆتور: ايان بەكەن ۇلى