قازاقستان رەسەيدەن ون ەكى سۋ-30 س م جويعىش ۇشاعىن الادى
بۇل تۋرالى رەسيەلىك ت ا س س اگەنتتىگىنە بەرگەن سۇحباتىندا رەسەي پرەزيدەنتىنىڭ اسكەري-تەحنولوگيالىق ىنتىماقتاستىق ماسەلەلەرى جونىندەگى كومەكشىسى ۆلاديمير كوجين ءمالىم ەتتى.
«ءيا، «ارميا-2017» حالىقارالىق اسكەري-تەحنيكالىق فورۋمىندا وسىنداي شەكتى كەلىسىم جاسالدى. كەلىسىمنىڭ شارتتارىنا سايكەس، ونىڭ ءبىرىنشى جەتكىزگەن ساتىنەن باستاپ ءۇش جىل بويى كەزەڭ-كەزەڭىمەن جۇزەگە اسىرىلادى»، - دەدى كوجين سۇراققا جاۋاپ بەرە وتىرىپ.
ونىڭ ايتۋىنشا، كەلىسىم 2013-جىلى «يركۋت» كورپوراتسياسى مەن «كاز سپەتس ەكسپورت» رەسپۋبليكالىق مەملەكەتتىك كاسىپورنى اراسىنداعى تىكەلەي ءوزارا قارىم-قاتىناستى قامتاماسىز ەتەتىن رەسەي مەن قازاقستان اراسىنداعى اسكەري-تەحنيكالىق ىنتىماقتاستىق تۋرالى كەلىسىم اياسىندا جۇزەگە اسىرىلادى.
4+ بۋىندى اسا وڭتايلى سۋ-30 س م جويعىشى فازالانعان انتەندىك تورى بار راديولوكاتورمەن، باسقارىلاتىن تارتقىش ۆەكتورى بار قوزعالتقىشپەن جانە الدىڭعى كولدەنەڭ قىسقا باسقارۋ قاناتىمەن جابدىقتالعان. ۇشاق «اۋە - اۋە» جانە «اۋە - جەر بەتى» زاماناۋي جانە پەرسپەكتيۆالىق جوعارى دالدىكتەگى قارۋدى قولدانۋعا قابىلەتتى.
