قىرعىزستاندا 30 -ءساۋىر قارالى كۇن بولىپ جاريالاندى

استانا. قازاقپارات - قىرعىز رەسپۋبليكاسىنىڭ پرەزيدەنتى المازبەك اتامبايەۆ «2017 -جىلدىڭ 30 -ءساۋىرىن قىرعىز رەسپۋبليكاسىنداعى ازا تۇتۋ كۇنى رەتىندە جاريالاۋ تۋرالى» جارلىققا قول قويدى، دەپ حابارلايدى knews.kg. 

2017 -جىلدىڭ 29 -ساۋىرىندە وش وبلىسى، وزگەن اۋدانى، زەرگەر اۋىلدىق وكرۋگىنىڭ ايۋ اۋىلىندا لاي كوشكىنى ءجۇردى. قايعىلى وقيعا ازاماتتارىمىزدىڭ ءومىرىن قيدى. بۇل بارشا قىرعىزستان حالقى ءۇشىن ورنى تولماس قازا. قىرعىز رەسپۋبليكاسىنىڭ مەملەكەتتىك ورگاندارى زارداپ شەككەندەردى جانە قازا تاپقانداردىڭ دەنەسىن ىزدەۋ بويىنشا قۇتقارۋ جۇمىستارىن جۇرگىزىپ جاتىر، ولاردىڭ جاقىندارى مەن تۋىستارىنا قولداۋ كورسەتۋ شارالارى قابىلدانۋدا»، - دەلىنگەن پرەزيدەنت جارلىعىندا.

ەسكە سالا كەتسەك، كەشە قازاقستان پرەزيدەنتى نۇرسۇلتان نازاربايەۆ قىرعىز رەسپۋبليكاسىنىڭ پرەزيدەنتى المازبەك اتامبايەۆقا كوڭىل ايتۋ جەدەلحاتىن جولداعان بولاتىن. قىرعىزستان ت ج م- نىڭ دەرەكتەرى بويىنشا، لاي كوشكىنى استىنا 24 ادام قالعان.